無綫重頭劇《宮心計2深宮計》舉行記者會，在劇中飾演一對而現實生活中又是情侶的馬國明 (馬明) 與黃心穎當然有拍拖出席啦，兩人仲孖住做訪問。問到情侶檔上陣拍劇談情會否特別sweet？馬明說：「唔關事，要睇劇本同角色。」心穎就話：「可能啲人會以為我哋咁樣好容易拍，其實唔一定，因為個角色同真人係唔同嘅人嚟。咁我哋今次都拍得好舒服，好自然，佢係一個十分專業嘅對手，會帶到我入戲。」咁今次咪可以寓工作於拍拖？心穎即笑言：「我哋工作時工作㗎。」

兩人又表示雖然拍這套劇過程辛苦，幾日無得瞓是等閒事，但當他們做後期配音時，睇到拍出來的成果就好有滿足感。心穎話兩人的感情戲和喊戲對她來說都有難度。拍攝期間她更捱病了：「咳咗兩個禮拜，夜晚咳到醒，但就感覺到人間溫暖，啲同事好關心我，畀咗好多藥同沖劑我，所以病有病嘅好，好多人照顧我。」而馬明就謂最辛苦是要落住雨拍打戲：「有一場打戲喺森林拍，落住雨成地泥，拍完我都成身泥。」

对于女友性感现身，马国明谓：“事先有睇过套衫，佢只系传相畀我睇。（叫佢下次唔好？）咁大个女，有得唔畀咩？不过佢好有品味嘅。”而台上梅小青表示有感心颖有钟嘉欣影子，马国明则打趣道：“我又唔觉得似，佢哋两个各有特式。”

馬明覺得嘉欣係好，不過自己就唔覺得心穎似嘉欣，心穎都有自己嘅特色，馬明又賣口乖稱覺得心穎更好，o氹得心穎眉開眼笑，喺《深宮計》中，馬明同心穎演情侶，問到佢哋係唔係演得更加得心應手，心穎笑一笑就話：「好多人都咁問我，就係比較熟，默契會好啲。」今次奉旨談情，心穎諗起有一場難忘嘅戲，拍足成晚，佢同馬明都喊得好犀利，馬明仲喊到眼腫。

陳煒（左）今日性感過張文慈很多。。。

陳煒（煒哥）及張文慈齊為無綫新劇《宮心計2深宮計》宣傳，煒哥低胸性感現身，相當搶眼。張文慈指煒哥戲中打了很多宮中人，煒哥聲稱只是無打過張文慈。至於怕否劇集出街時被人鬧？煒哥說：「覺得自己唔係好衰，是霸氣，唔係衰，宮廷每個人都是為自己，唔單止我一個，唔可以話我奸角，因每個人都各懷鬼胎，都是為自己，宮內4司要立足，要有自己地位，都用好多心計，就是這齣戲引人入勝之處。」

煒哥都很期待此劇，因為真的拍得很辛苦，全花在製作時間之上，有日試過辛苦到想放棄。至於試過連續幾多日無瞓？她說：「唔記得，不過試過好多日無拆頭，原因是想瞓多兩個鐘。（之後有什麼感覺？）個人好似飄咗﹗」