歌手许志安出席一个防止电话骗案宣传活动，他透露早几日真的收到一个来自新几内亚的电话来电，但索性不接听，自认唔易畀人呃，人生只被呃过一次，他说：「十几年前急住买波鞋，畀人呃过，着落似拖鞋。（Big Four兄弟有冇畀人呃过？）佢哋每个都有长处短处，佢哋三个嘅缺点就系容易受骗，所以今次活动只揾我嚟，冇揾佢哋。有时约佢哋动机系呃食饭，同佢哋讲出嚟倾心事，埋单时我再痛苦啲，佢哋找完数我就笑番。」问到他有否呃过老婆，他直言没有，但不知她曾否受骗。

另外，提到七月他会随明星足球队捧世界杯，八月生日会到新加坡，工作中度过。问到容祖儿和刘浩龙传翻挞？他说：「真定假呀！佢哋开心就得。」

歌手连诗雅（Shiga）参与「RUNNING NIGHT」夜跑活动，热爱跑步的她和专业教练Lawrence Wong及一众跑步爱好者齐齐夜跑。活动开始时，由Shiga和Lawrence带领近50名参加者进行热身，并完成3公里路程。为增加难度，教练于途中更进行Burpees体能训练，接受各种挑战。Shiga表示：「我习惯每星期进行4日嘅运动锻炼，听住音乐做运动令我更投入同专注，不经不觉逐渐增加活动量和跑步距离。」

艺人陈自瑶（Yoyo）同老公王浩信传出婚变，寻日Yoyo出席活动唔肯以「恩爱」嚟形容同浩信嘅关系，Yoyo只系以老夫老妻嚟形容，佢又话唔甫家人照，唔代表关系差同埋唔想人觉得刻意放闪辟谣。

今日Yoyo贯彻作风，喺社交网式上载个人照，以英文留言：「放假好心情！」露玉背嘅Yoyo嚟个回眸一笑，心情靓靓咁，最紧要老公浩信亦有畀like，唔少网民都留言话希望Yoyo要幸福呀！

艺人余文乐（乐仔）自囝囝余初见（Cody）出世之后，成个人好似唔同晒，佢嘅社交网都三不五时就上载Cody嘅「斩件」相，虽然大家都仲未见到Cody正面，不过乐仔嘅慈父之情就已经涌晒出Mon，真系唔讲得笑。

所谓铁汉柔情，一向都系潮人Cool爆嘅乐仔都转晒性，今次佢就好开心同大家宣布Cody一个月大喇～乐仔喺社交网再次甫出阿仔嘅脚仔相，言简意赅写住「1 month~」后面仲要加个心心，睇嚟乐仔都真系掩盖唔到内心嘅兴奋啵。

音乐人陈奂仁（Hanjin）出席护肤品牌活动，大晒瘦身成果，他透露花了10个月时间，体重从82公斤减至68公斤，但目标想回到16岁时的磅数，他谓：「依家新陈代谢慢咗，运动量都要付出多啲，希望战胜埋少少脂肪肝。（加操？）都唔知应该点，因为过量做运动搞到肌肉痛瞓唔到，唔想到时断手断脚，弹唔到结他同上唔到台，所以会keep住依家个运动量，等自己适应咗先。」

问到他日减肥成功会否穿泳裤影写真留念？Hanjin哈哈大笑谓：「白色泳裤咪即系透明？你哋好咸呀！但我会真心参考，大把人身形好过我，颜值高过我，所以会慎重考虑先天冇嘅元素，尽量靠6旧腹肌骚畀大家睇，不过依家未系大家睇惯嘅完美腹肌住，总之世上无难事，只怕陈奂仁（只怕有心人）啦！」

无线咪神朱智贤为「第91届香港结婚节暨夏日婚纱展」行婚纱骚，大骚美好身材又晒事业线。首次行婚纱骚的她直言演出前有少少紧张，更特意翻看冯盈盈行婚纱骚的影片，吸取经验，她笑谓：「原来行婚纱骚要好优雅，佢哋都话我行得好快！」

未行过泳衣骚的她，被问会否想行？她表示要等经理人接，至于尺度如何？她说：「健康就好啦，因为始终着泳衣拍嘢同行骚唔同，有好多人影！（今次做足安全措施？）安全，唔使特别黐胶纸！（Keep fit？）冇呀，我反而肥咗仲丰满啲，我一瘦会瘦面先，个样睇落去老咗，又会憔悴咗，块面凹晒！」

问到酬劳，她表示满意，今次当是经验。问到穿上婚纱可会恨嫁时，她直言事业行先，等事业有成再想结婚，认为缘分要顺其自然。

艺人蔡思贝（Sisley）骚长腿现身护肤品牌活动，席间向同场的陈奂仁（Hanjin）传授护肤操，Hanjin又教对方伸展动作，Sisley见Hanjin瘦身成功，即打趣指想揭开他的衣服观赏其腹肌，遭Hanjin「弹钟」谓：「唔得呀，你个咸湿妹！」而对护肤甚为讲究的Sisley，透露曾试过豪花几万元购下美容疗程，她谓：「一次过买平啲嘛！但平时我都悭家，除咗食落肚嘅嘢，物质方面唔系用好多钱。」

谈到陈自瑶昨日否认与王浩信婚变，曾与浩信传绯闻的Sisley表示有留意新闻，但认为对别人家事不了解，故不方便评论，问到有否与浩信联络？她谓：「冇见到、工作上都冇撞到。（避嫌？）呢啲冇得关心，反而我自己屋企嘢就可以同大家分享。」

Sisley透露近日受电影及书本影响，令她学会爱护身边人及父母，坦承现时会多体谅和理解，与父母关系更胜从前，单身的她被问到是否向完美女友进发？她谓：「我都冇男朋友，我系想令自己进步多啲，做个更好嘅人，事业同人生每日都有进步就更好。

拥有32D「魔鬼胸」嘅艺人蔚雨芯（Rainky），最近去咗泰国度假，正所谓「有好嘢唔怕晒」，佢连日嚟都有喺社交网疯狂上载性感水着相，大骚招牌魔鬼胸！

呢日，Rainky换上一件青绿色比坚尼，继续甫相派福利。相中佢露出深长事业线，仲晒出一双煞食长腿，简直索到喊！Rainky更留言：「Because of you……Cry a little less and smile a lot more.（因为你…少哭一点，更多微笑。）」一班网民见到后就发挥搞笑本色，抵死话日日都有得睇Rainky水着相，自然会微笑多一点！

育有2女嘅艺人蔡少芬（Ada），今早喺微博晒出2张同大女「汤圆」一齐影嘅大肚写真，唔通佢又有咗……？咪住先！原来，呢2张相系Ada佗紧细女「包子」时影嘅，Ada仲留言：「5年前！包子还在肚子里，我就和汤圆经常说：你好幸福喔！又多一个人来爱你和陪你玩了！」更透露：「当我生了包子带她回家，我和老公早就买了一份礼物