新学年又开始！下午大约3时许，身穿灰色T-Shirt、戴上黑超兼蓝色帽的“廿四孝爸爸”艺人郭晋安（安仔），现身国际学校门外接大仔郭令山及细女郭以雅放学，记者上前打招呼，安仔即面露微笑兼挥手，问到正攻读营养学的太太欧倩怡为何不一起接放学？

他笑笑口话：“佢今日读书呀！（所以得你接？）系呀！（系咪最近拍完戏都得闲啲？）最近都得闲。”说毕便转身行入校门。

郭晋安拖实阿女郭以雅。好可爱呀！

未几，单肩背着爱女粉色书包的安仔，揽住一个小朋友步出校门，身边亦有不少小朋友围住，十足“人气王”！

小朋友同安仔讲再见后，安仔先拖番爱女，同行还有女友人和一位白衫小朋友，四人拖住手一字排开，而令山则于后方相隔多个身位。

安仔再受访时表示国际学校都会提早开学，此时，身旁的以雅好奇心爆发，一直探头望记者，仲笑住同朋友仔话：“见到我啦！明星呀！”相当搞笑！

当记者问郭以雅获爸爸接放学开不开心时，两父女默契十足互望甜笑、又发出笑声，之后以雅细细声怕丑话：“开心。”

安仔接住话：“你讲嘢啦！爸爸唔讲啦。（咁仔仔呢？）阿仔比较Cool。”问到令山获爸爸接放学开不开心？他微笑冇答，再问到返学开不开心？他即以“麻麻哋”手势代答，果然Cool爆！

五人行到白色座驾前，安仔先放书包于车尾箱，令山就跳上前排坐，而以雅同朋友手拖手上车，临上车前仲话：“我哋放学一齐去玩”，最后有礼貌向记者挥手讲再见，安仔都笑话：“佢迟啲畀你哋影㗎啦！”