艺人林文龙及宣萱接受薛家燕的电台节目访问，宣传其担正的无綫剧集《不懂撒娇的女人》。

讲到宣萱谓如果剧集有30点收视就叫林文龙穿泳裤，对此林文龙即谓：“边个讲？咁无聊？我哋唔系卖呢啲嘢，可能佢系嗰个年代，我好实在，你有本钱咪show少少畀人睇，我就冇本钱。”而被寸的宣萱就谓：“学咗家燕姐，唔使理佢。”

问到两人拍剧时可都是经常斗嘴？宣萱笑言：“初时都有半点尊重，依家一点尊重都冇，抓烂块面。”讲到收视，他们谓平均收视有24点，最高收视有25.7度，宣萱谓昨日星期三跑马收视通常都会跌少少，林文龙就谓自己估不会跌，又笑言宣萱妈咪是马迷，睇完赛马先至睇剧：“所以睇到其实佢同屋企人关系麻麻。”宣萱即刻瞪大眼望住他。

两人谓剧集口碑很好，宣萱又谓一些很耐没联络的朋友都有赞好睇，而林文龙又寸她：“一啲绝咗交朋友都有话睇，朋友圈子扩阔咗好多。”问到囡囡可有睇？林文龙谓有，但讲到里面有不少女演员骚胸，宣萱即踢爆他有成日偷望：“未roll机有睇，roll咗机又睇。”

林文龙即寸她：“佢直情渣！因为未见过咁嘅size嘅嘢。”问到宣萱有关林文龙拍剧平时可有撩女演员？她又爆：“平时就唔够胆嘅，但睇唔到就唔知。”林文龙听到即刻不敢出声。

问到老婆郭可盈可有睇剧？林文龙即谓有。问到有没看到他的亲热戏？他即谓：“你当我18岁？我几廿年拍亲热戏不得到她点头呀？一出街搵张纸遮住呀？”

那老婆有甚么评语？林文龙谓：“几好，但佢嘅嘢不能尽信，但有好多朋友、行内行外人、甚至一啲用词刻薄嘅网友啲评价都几正面，希望口碑正面，紧要过收视！依家两样都平均，希望可以keep住个势。”

他亦谓希望TVB可以再拍这些有质素、诚意的剧，作为观众都会开心。