佘诗曼近日虽然就去咗哈尔滨拍摄新片，但都不时喺网上分享拍摄点滴。早前佢仲自爆不惜贴上33个暖包保暖，抵抗寒冷天气，睇到一班粉丝都非常担心。今日阿佘又再次出动，喺社交网上载多张喺冰屋内食火锅嘅相，仲好开心咁话：“从未试过这样吃火锅！零下19度在冰屋滚起来！好好吃一顿，迎接美好的2018年#我在哈尔滨#”

相中穿上羽绒兼戴上颈巾嘅阿佘，食得好滋味又嘟起嘴仔，似乎个火锅好正咁喎，难怪佢都笑得咁开心，大批网友都留言话呢个体验好正，仲话阿佘呢次拍摄真系拍得开心、食得开心喇！