吕良伟除时返tvb拍剧　公开多谢鼎爷恩惠：无佢我唔会入行

本文转自网络 不代表本号观点

吕良伟 (阿吕) 早前为品牌进行拍摄工作期间，重提41年前李家鼎 (鼎爷) 有恩于他的一段往事，话说当年阿吕刚在无线训练班毕业，TVB竟然不签他做旗下艺人，鼎爷就嬲到去找高层理论，仲拍枱话：“你哋唔签佢吖嘛，咁我签佢做龙虎武师囉。”今晚阿吕出席活动时被问及这段往事，即承认确有其事，并谓：“鼎爷无拍枱，佢帮我争取啫，佢系我哋武术班嘅班主任，系我师傅，我就做班代表。佢话我呢个徒弟代表班去考试，咁嘅人才都唔签？咁佢签我做武师囉，当时武师人工系$150一日，系艺员人工嘅一倍，艺员得$80一日，佢哋听完鼎爷咁讲咪即刻签我囉。”

吕良伟到依家都好感激鼎爷。（梁碧玲摄）

虽然鼎爷曾表示唔敢叨阿吕光，不过阿吕却衷心感激鼎爷对他的知遇之恩。阿吕说：“我成日都同人讲呢件事㗎，无鼎爷佢帮我，我就入唔到呢行，我能够入行完全都系因为佢。鼎爷真系有情有义，仲系一本百科全书，教识我好多嘢。”他当然都好想去捧鼎爷的私房菜场，但就未同鼎爷夹到时间：“打畀佢几次都仲未夹到，佢又忙到飞起。”除了鼎爷，我在这行中也有很多人想多谢，例如麦当雄、李香琴等，他说：“我应该出本书嚟多谢大家，会回忆返好多往事点滴，等我筹备下先。”

阿吕透露乐小姐有揾佢返TVB拍剧。(微博图片)

阿吕又话当时在训练班个个人都有机会演戏，由一些小角色慢慢做起，他有感现在演艺圈的机会比以前少了：“窄咗，环境都变咗，整个大市场转移咗去中国大陆。我成日都有谂点先可以帮到更多想入行嘅年青人。”问到TVB现时是否已很难再请得郁他拍剧，阿吕说：“拍剧个剧本好紧要，一定要有好剧本，钱反而系其次，唔系咩都睇钱嘅，香港本地观众同我一齐成长，始终好有感情，如果TVB需要我而又有好剧本嘅话，我唔介意返去玩下。（有无人同你接洽过？）乐小姐 (乐易玲) 有同我讲过，我依家仲度紧。”

---------------------------------

商务合作QQ：2063871309 

最新最快最全：关注订阅号tvbdrama，回复你想要的

（长按下图识别二维码即可轻松关注）