【老表，毕业喇】郭晋安爆金句：老师教你做人，名师保你平步青云
本文转自网络 不代表本号观点
本文涉及剧透 请谨慎浏览！
《老表》系列再度回归，虽然万绮雯、王菀之、张敬轩因为档期问题未能参与，但一班新血蔡瀚亿、郑欣宜、林欣彤、蔡少芬都集集有惊喜。就大家所见，王祖蓝喺之前嘅宣传片上，自嘲《老表》制作输《使徒》几十条街，又指「流」景只得大台先搵到，原来除大台外，Janice Man、连诗雅亦系被抽水对象之一。而剧中不少金句。亦都好值得大家反思。
为人师表嘅蒋志光试过唔见考试卷，又试过宿醉上堂教书。不过，佢亦都有正义一面，就好似第二集时，佢会为教育工作者发声：「你知唔知几多老师做到病、做到呕、做到抑郁、到要跳楼。」
《老表，毕业喇！》以教学为题材，贴近现今具争议性的教育问题，首集会讲到郭晋安本为寄宿学校的校长，虽然杀校令佢快将失业，但佢对住一班劣质学生时，依然系春风化雨，派成绩时更不停抛金句安慰大家。「染金毛都可以读到中文，有纹身嘅都可以读到通识。」、「老师系教你点做人，名师系保你平步青云。」郭晋安之后就会加入胡枫及罗兰创所办嘅专上学院「香港灿烂学院」（港灿）做校长，并降服蔡少芬饰演嘅虎妈公关。见到全世界都要赢在起跑前，为学位而争崩头，郭晋安就会好处之泰然咁话：「搞活动同同学合作，都系一种学习嚟嘅，学习唔一定要毕业嘅。」
林欣丹同蒋志光呢对父女虽然既系同学又系教育者，但大家嘅理念完全唔一致。
出道以来主力发展电影嘅蔡瀚亿（BabyJohn），获王祖蓝力邀加盟《老表》，剧中饰演富二代嘅佢，讲嘢经常中英夹杂，例如第二集佢打算身体力行支持爸爸（秦煌饰）嘅慈善活动，并表示：「我想去一啲poor village做义工，去採访嗰啲好穷好穷嘅family。」不过，最正嘅系佢之后喺fb撰文打算表扬秦煌，但却误用「 RIP」而搞到大头佛，令外间以为其父离世，成件事似在暗笑连诗雅早年将「RIP」写为「Rest In Piece」，而据知，「RIP」呢个gag位，系由王祖蓝亲自度的。而系RIP后，蔡瀚亿就被秦煌安排到「港灿」受训。
王祖蓝费尽九牛二虎之力，说服蔡瀚亿拍剧，饰演富二代嘅佢绝对系全剧亮点之一。
蔡少芬表面上系「港灿」嘅宣传公开，但其实质工作系帮秦煌监视蔡瀚亿。
剧中饰演优才生嘅林欣彤，梦想系成为一位补习老师，于是佢报读「港灿」课程，并同饰演佢爸爸嘅蒋志光做同学。对于现今教育制度，Mag极有自己的睇法，好似喺第三集，佢会话：「。如果香港教育制度有问题，应该改变，而唔系离开另觅更好，唔好净系识得抱怨the city is dying。」到底系暗寸《天与地》定系纯粹抽水？
欣宜喺剧中系个非常崇尚古惑仔文化嘅鬼妹仔，更一心想推广古惑仔主题乐园，性格火爆嘅成日将「打到你变locker」挂嘴边。
PS：该剧01已经在公众号tvbvideo更新啦！大家赶快去煲剧吧~
---------------------------------
最新提示：关注订阅号tvbvideo，回复：2017
（长按下图识别二维码即可轻松关注）
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
