陈展鹏宣布太太单文柔有喜后，现身沙田出席活动。心情大佳的他禁不住打从心底发笑，又形容自己心情“兴奋、突然及喜悦”，直认自己奉子成婚：“好多朋友问我系咪有咗先结婚，定系一个月就搞掂，你估真系机器咩？放啲嘢入去就跌啲嘢出嚟，小朋友系上天赐嘅礼物！讲真，今次可以话一额汗，早于去年年中我做访问，已经话要结婚，咁年头咪开筹备啰，点知去英国影婚纱相时就发现（有喜）嘞，即使緍礼场地都准备晒。老人家话唔讲得，所以我哋被迫隐瞒大家。”

展鹏表示多谢公司上下体谅：“我冇所谓啫，老婆系新人，不断推工作，好彩啲监制好似知道咁冇怪佢，依家终于可以讲得嘞。（想生仔定女？）我冇所谓，不过老婆就想系仔，佢好似觉得同我组织家庭之后，要有个仔传宗接代。（话唔定打孖嚟。）咁要几个月后先知，小朋友我ok㗎，依家好似叫胡咁，话唔定我三年抱两！”

展鹏又指太太身孕约3个月，目前已“见肚”：“佢平时拣衫靓，我都佩服佢。（预产期呢？）出年4、5月，会喺香港生。（你妈咪好开心？）由我结婚已经好开心嘞。（老婆以后凑B？）睇佢意愿，我知佢想做嘢，入行两年咋。”

陈展鹏同太太单文柔昨日喺社交网宣布荣升父母嘅喜讯，真系恭喜晒！不过似乎呢件事都非常突然，所以展鹏再度喺网上发文就话之前一直好努力工作，忽略同家人相处，但系感恩遇上太太：“2018真的发生很多不快和不如意之事！无论是工作和心情，老天爷永远都有最好的安排给我。之前努力工作忽略和家人的相处！今年感恩我有很多的时间陪伴家人，让我可以好好处理所有问题。也很感恩能遇上太太能顺利完成我们的人生大事。”

佢仲话大家知道呢个喜讯后好惊喜：“我知道我的婚讯，会令到很多支持朋友和我的鹏友仔有很多不同的想法，令大家感到突然！我在此说声对不起。虽然我没有能力改变大家的想法！但我是不会不忘初衷，大家是从我的工作认识到我，所以未来我会更加努力，我不会忘记这二十多个年头大家对我的支持和欣赏！因为是妳们把我变得更精彩更有信心。”

他续说：“时间的过去会令人不断地成长，就会更加珍惜缘分！也明白有不同的阶段。我只希望大家开心快乐，身体健康。无论将来我在不同的角色或不同的位置。我都希望给予大家欢乐，同时也希望做好榜样。今天我终于可以同鹏友们分享一份喜悦。我的宝宝终于来了。所以今年在我的人生之中是最大的进步...希望你也能分享到我的快乐。”