欧阳震华抖音「跳老舞」
豁达笑对：冇钱扮体面？
本文转自网络 不代表本号观点
65岁欧阳震华有「收视福星」之称，90年代拍下的无线剧集《壹号皇庭》、《美味天王》、《陀枪师姐》、《洗冤录》、《金装四大才子》，到2017年的《夸世代》也是经典中的经典。去年欧阳震华加盟英皇娱乐大力发展，在各方面也是如鱼得水。
提起欧阳震华，不少人都会想起今年5月他和王浩信、郭晋安等人在抖音上广泛流传的跳舞片，亦有网民睇完后耍手拧头，大呼尴尬，嘲笑加埋306岁十分「虐老」。在专访中，提到此事时，欧阳震华就相当豁达，展现招牌笑容一笑置之，说：「点样叫体面？冇钱扮体面？咁人哋要赚钱㗎嘛。」
欧阳震华好满意加盟英皇娱乐后的发展，表示多谢杨受成博士欣赏。（林迅景 摄）
加盟英皇娱乐
去年欧阳震华加盟英皇娱乐，他强调十分满意加盟后的工作安排：「我签啱咗英皇娱乐！」直言自己尝试了十分多以往从未接触过的工作，特别是早前登上内地一线节目《声生不息》献唱。「好唱得就唔需要叫『小鲜肉』，唱得又好样就更加轮唔到我啦。点解会拣我去《声生不息》，仲要系香港电视剧主题曲。其实有啲玄机，因为签咗我返去就系要试欧阳震华喺内地观众心目中，仲有冇存在呢？即系试水温。有就梗系有啦，就睇吓仲有几多。」
《壹号皇庭》时的欧阳震华。（YouTube截图/TVB）
《金装四大才子》是不少港人和内地人的童年回忆。（YouTube截图/TVB）
《金装四大才子》时的欧阳震华。（YouTube截图/TVB）
欧阳震华喺《美味天王》除咗饰演田味吉，仲有田味橙﹗（截图）
烂船仲有三斤钉：仲有人识我，好感恩
欧阳震华谦虚的表示，托赖自己「烂船仲有三斤钉」，早年在TVB拍下不少喜剧又正值内地开放市场，所以作品得而广传成为大人细路都睇的剧集。他说：「我嗰十几年拍嘅剧，真系好多人由细睇到大，唔系一代睇，而系佢婆婆，佢妈妈，到佢细个都睇紧，三代都睇。以前啲剧就简单啲，有而家咁复杂。同埋而家竞争大咗，所以仲有人识我，我都好感恩。」
2017年的《夸世代》也十分经典。（剧照）
欧阳震华作为特别嘉宾，登上《声生不息》港剧主题一集。（YouTube截图/芒果TV音乐 MangoTV Music）
去《声生不息》「见识」
他续说，经理人Mani安排他登上《声生不息》，也是令他意想不到，但又惊喜之举。「Live band㖞！我都未试过戴耳塞唱歌嘅，点用㗎？听咩㗎？哈哈哈！原来一只系听自己把声，另一只系panel声，同埋有人会提几时入。（其实好多歌手都要提）系啰，所以Mani话捧我做歌手啰！」问起觉得自己当晚表现值几多分，欧阳震华就回答：「仅仅合格啰，因为我唱完，第一时间落嚟就问我老细：『有冇走音呀？』佢话：『冇！』冇走音就得啦，好似网民咁讲，欧阳震华系冇技巧，但系最重要就系有感情。」欧阳震华作为特别嘉宾，登上《声生不息》港剧主题一集。
认真，欧阳震华唱得真系几好。（YouTube截图/芒果TV音乐 MangoTV Music）
欧阳震华真系好豁达。（YouTube截图/今晚好犀利）
欧阳震华真系好豁达。（YouTube截图/今晚好犀利）
大方笑谈抖音「跳老舞」
今年5月，一则「跳老舞」，由吴卓羲、王浩信、郭晋安、欧阳震华、林晓峰及高钧贤 6位齐跳《今晚好犀利》的抖音片在疯传，不少网民睇完都直呼尴尬、「虐老」。专访中提起此事，欧阳震华没有「黑面」也没有避谈，反大方笑谈个中的细节。
其实，欧阳震华意思系「大家开心」就得啦。（YouTube截图/今晚好犀利）
拍抖音片有咩所谓？都系工作份内事。（YouTube截图/今晚好犀利）
临时加插？呢啲系计算
「有好多人讲，咁大年纪点解唔可以体面啲咁老去呢，亦都有人讲，佢脚踏实地做佢擅长嘅工作，有咩问题。点样叫体面？冇钱扮体面？咁人哋要赚钱㗎嘛。因为好多人内地人60几岁退休，有退休金㗎嘛。可能香港人唔怕丑啲啦，好似我咁。内地啲明星一上到去：『黐线咩，我点会做呢啲呀？』其实我哋唔知有嗰part嘢。（临时加？）唔系临时加，呢啲就系个计算啦。唱歌知，唱《17岁》知，我自己唱《怪你过份美丽》我都知，净系嗰part，我哋几个着晒黑衫，好有队形咁坐喺度，嗰啲都系『开胃小菜』啫。跟住佢哋讲：『麻烦你哋起身，夹一只舞。』夹咩舞呀？剩系得吴卓羲识跳，即系佢知，佢带头系最前嗰个，我哋几个企后面，咁样咁样。『好啦，嚟啦。』我话：『吓？！嚟啦？嚟咩？』安仔企我后面，我问记唔记得。安仔好笑呀，佢话：『唔使记得㗎，郁就得㗎啦。』咁咪尽量郁啰。」
呢一幕真系睇到欧阳震华有啲不知所措。（YouTube截图/今晚好犀利）
欧阳震华其实好清楚自己俾人笑，但系佢一啲都唔觉得，呢件事系「黑历史」。（林迅景 摄）
豁达笑对耻笑：冇人提你就闭翳
虽说舞跳得尴尬，但老实说却是整个节目最成功，最有讨论度，最多人观看的一集。「洗咗几日版呀。咁冇所谓㗎，好多人梗系弹，舞又唔齐，又300几岁男团点点点，咁我年纪最大，我就冇所谓呀，我就跳得几好，喺后面跳系慢半拍啫，起码唔好左手左脚，右手右脚呀。咁我起码知道自己岗位，呢啲系综艺性节目，有啲人又话『虐老』。宣萱讲嘅，《奖门人》食寿司咪仲虐老。老实讲，唉，冇人话你唔好，就即系证明你冇乜影响力，有人话你唔好，先帮到人揾食。洗几日版，个个都讲，嗰啲都系经济来源，帮到人几开心呀。唔通人哋讲我靓仔，跳得好？冇可能㗎。唉！做呢行，我而家做到呢个年纪，唔好怕丑，最紧要面皮厚。肥妈话斋：『有人弹即系证明你仲有位，仲有留意，冇人提你就闭翳呀！』哈哈哈！」
欧阳震华讲咗一个娱乐圈真相：「唔好怕丑，最紧要面皮厚。」（林迅景 摄）
尴尬到尽头就是⋯⋯
诚如欧阳震华所说，在娱乐圈「生存」并非摆摆款，唱几句跳两下就算是，而是要多方面发展之余，认清自己的「岗位」及勇于接受挑战。「一把年纪」走去跳舞尴尬？其实那才是综艺的精髓。别人笑他面皮厚，倒不如是他玩透了，睇透了娱乐圈的生存之道——尴尬到尽头，就是型！
欧阳震华系型嘅！（林迅景 摄）
欧阳震华首套担正作品为92年的《壹号皇庭》从此站稳一线。（《壹号皇庭》电视截图）
---------------------------------
剧迷经典QQ5群再次扩容 名额有限速加:133989729
商务合作QQ：2063871309
慎重起见，请务必关注备用号tvbdrama，以防失联！
回复剧名，即可得到你想要的
（长按下图识别二维码即可轻松关注）
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
