锺嘉欣（Linda）日前宣布再佗第二胎，今日渠就喺Facebook开Live分享怀孕心得，佢仲自爆系喺1月1日知道有咗BB添！

验孕后即刻打畀老公

嘉欣一开始就话：“Hello～好耐冇见喇！”身在温哥华慨渠多谢大家祝福同埋冇忘记渠，渠透露系喺香港知道怀孕，当日出席倒数活动前觉得好唔舒服，渠话：“当日起身化妆啦，好攰呀，化妆师同发型师嚟到我屋企，我好攰醒唔到，个肚点解咁胀慨？咩事呢？我系咪食错嘢呢？”于是到第二日（1月1日）朋友帮渠买验孕棒，佢好开心咁话：“我有咗呀，系好Meaningful慨呢个BB对我嚟讲，因为系喺New Year's Day知道！我仲即时打畀我老公，佢好开心好感动！”到渠返到温哥华后渠再话畀囡囡Kelly知：“我叫Kelly摸吓妈妈个肚，同渠讲：'妈妈有咗BB呀'！”虽然Kelly得18个月，但好叻识跟住讲“BB”！

一计划完就有咗

嘉欣透露第二胎系计划之内，生完Kelly后谂住喂一年人奶，等Kelly长大后可以行得走得，就开始Plan第二胎，但渠笑言冇谂过咁快再有BB：“一讲…一造就中，呢啲叫做一击即中呀！”渠话两胎都系计划后就有，好感谢上天，不过就未知系男定女！

分享囡囡搞笑事

嘉欣又开心Share囡囡搞笑事同向网民骚出相片，渠话Kelly锺意擒嚟擒去，趁佢唔为意摷晒柜入面啲嘢出嚟擒入去坐喺度，非常搞笑！嘉欣又喺度谂唔知BB出世后，Kelly有咩反应，不过就话Kelly好大方，锺意Share又friendly，相信好快适应咁话！

第二次做妈妈较淡定

有网民都问嘉欣心情如何，渠就话第二次做妈妈淡定好多，上次唔知做妈妈系咩反应同感觉，唔知成日去厕所系咪正常！不过渠就话今胎比较辛苦，头三个月时接Kelly放学时试过喺街呕，攰到好似感冒成日去厕所，所以未有精神专注拍剧，不过嘉欣向大家派定心丸，渠话知道大家好挂住渠，惊以后见唔到渠拍剧，渠话对演艺仍然好有热诚，但要畀啲时间渠休息吓，生完第二胎再同大家见面！仲预告可能喺4、5月时返嚟香港见大家呀！