自信继续爆棚！雷庄儿好煮得自认系好老婆

应届香港小姐冠军雷庄儿与亚军何依婷现身「欢乐满东华2017筹款活动开展仪式暨联欢晚宴」，两人表示今次是首度参与东华活动，问到欢乐满东华当晚会否有表演？何依婷说：「未知，我乜都想尝试，只要系公司安排畀我，我都够胆做。（想做咩高难度表演？）跳舞囉，有啲比较花巧嘅跳舞，或者粤曲我都可以，因为爷爷嫲嫲都经常会听，我可以试吓。」

至于雷庄儿坦言对唱歌跳舞较有信心，又自荐表演厨艺：「我喺加拿大嘅时候自己照顾自己，我同爸爸都好叻煮嘢食，爸爸都有教我，我最叻整咖喱，感恩节我可以煮火鸡畀大家食。（有冇煮过畀男友食？）我每日都煮畀佢食，佢好幸运，我好锺意煮嘢食，我以前好勤力读书，煮嘢食当系relax。（男友对你厨艺有咩评价？）佢成日话好食，唔会话唔好食，有时我都唔知系咪真系好食，不过我未试过煮得好差，你哋可以测试吓我。（你会系个好太太？）我觉得自己系。」而何依婷称在英国读书时也会下厨煮西餐，不过跟雷庄儿相比，她笑言变成地狱厨神。

另外，雷庄儿今日所穿的晚装，非常贴身，而且布料带有令面的效果，令她的上位异常突出，营造一副「导弹胸」的效果。

避蔡思贝？王浩信爆陈自瑶唔系因病缺彩排

艺人王浩信到尖东出席圣诞亮灯活动，他以一身厚衣到场，他受访时解释谓：「啱啱喺英国拍《兄弟》外景返嚟几日，返到嚟冇停过继续开工，所以都有少少感冒。（太太陈自瑶又系唔舒服，因而缺席今日台庆彩排？）佢冇喎，头先我哋仲一齐做运动。系咪沟通上有问题？如果通知咗佢会到㗎。（惊唔惊再被传，系想避开本来都有份彩排蔡思贝？）唔关事嘅。」

王浩信又指将陪同女儿出席第3轮入学试：「我暂时请咗1日假。我哋报咗十几间学校，而呢间心仪嘅学校就入去到第3轮面试嘞，我为囡囡感到骄傲，不过依家啲学校要求家长写文去阐述自己对小朋友及学校嘅寄望。自中学后我都未写过文章，好彩平时睇开剧本，有得学吓文法去表达自己意思。」

至于今年圣诞，王浩信相信要在工作中度过：「希望平安夜前后有少少时间可以陪吓屋企人啦。（最难忘嘅圣诞系点？）因为以前囡囡仲细，所以冇乜难忘嘢，但希望嚟紧可以为佢制造更多嘅回忆啦。之前带佢上船玩，佢好开心，嚟紧相信有多啲机会嘅。」

方媛性感撑场！城城祝福旧爱熊黛林佗B

天王郭富城主演的电影举行好友场，获一众好友张智霖、排舞师Sunny Wong、梁小冰及郑丹瑞等捧场，太太方媛于传媒访问城城时低调入场，化了妆的方媛身穿黑色低胸衫，打扮Sharp醒，方媛产后极速收身，完全唔似生过！

讲到近况，城城透露最近跟梁朝伟合作，表示一直很欣赏伟仔：「好开心睇到自己欣赏嘅演员做戏。（有冇畀伟仔电亲？）佢系个有魅力、好深层次嘅演员，我喺佢面前都要做好啲，对戏好认真，私下又好好倾，会倾体育嘅嘢，希望有得再合作。」

对于旧爱熊黛林近日宣布怀孕，城城表示最近忙拍戏，冇留意其他娱乐新闻，但说：「无论系咪做呢行都好，有好消息都会祝福。」

新戏煞科宴同台食饭 庄思敏胡定欣世纪「合照」?

多年前，有传胡定欣同庄思敏先后同吴浩康拍拖，有传两女喺大台饭堂起争执，所以庄思敏讲起胡欣次次都有骨，不过，喺若干年后，佢哋两个因为一套电影，可以同台食饭喎！日前《万水千山纵横》举行煞科宴，一班同剧演员吴镇宇、胡子彤、黄德斌、潘灿良、胡定欣、余香凝（Jennifer）、骆振伟、庄思敏同剧组聚首一堂。

镇宇系电影男主角，煞科宴就「满场飞」，喺戏中同黄德斌饰演夫妇嘅庄思敏，心情都唔错，着住红色间条衫跌哂膊，仲唔介意同胡定欣合照，不过，系有好多人嘅大合照，张张都系中间隔住个吴镇宇架！庄思敏话：「我真系好喜欢镇宇哥，虽然今次戏入面同佢冇对手戏，但知道佢今日会出现煞科晏，我当然会嚟集邮啦！」

又俾人追问几时嫁 容祖儿：公司同事快过我

天后容祖儿近日穿上Deep V裙性感出席英皇珠宝「L’Atelier Cindy Yeung」高级珠宝系列首饰展，并佩戴价值逾五百万的蓝宝石首饰相亮，更显高贵！

祖儿坦言平时很少穿低胸裙：「为咗可以呈现首饰嘅美态，件衫要简单但又唔可以太密实，否则会遮咗件首饰，经过多番考虑终于拣咗呢条裙，我依家唔敢郁又唔敢太大声讲嘢，怕条裙移位。（真空上阵？）唔使，依家啲打底好先进，而且我做足安全措施。」

（问及想唔想自己设计珠宝？）邀请我，我肯呀，我未设计过首饰，之前设计过手袋，个感觉好开心。（你设计郁金香首饰出嫁时戴？）太美丽，但郁金香唔系结婚嘅花，平时戴都得。结婚话题你都系搵番我公司旗下艺人答，佢哋快过我。（边个最快？）哈哈……筲箕儿又出场！不过冇人叫我唔好讲，佢哋暗哑底都锺意听我讲。（咁边个最大机会结婚？阿娇定阿Sa？）泳儿，系我自己谂，纯粹个人睇法。（唔睇好自己？）唔好讲我。」

另外，提到祖儿的经理人霍汶希（Mani）以七千万购入山顶豪宅，祖儿表示不知情：「见到佢会恭喜佢，依家啲楼咁难买，佢好努力，有无穷无尽嘅精力工作，佢真系好辛苦，畀啲奖励家人同自己。（你几时买楼奖励自己？）好多喇，而且又未有一个心仪嘅目标，处理好工作先，尽快供晒佢。（有几多层楼要供？）唔知，系妈咪搞，我负责赚钱，不过我都叫妈咪唔好买住，搞掂晒手头上嘅先。（Mani话有老板杨受成借钱畀佢凑够首期？）杨生实帮，我哋都一齐搵杨生帮手，发起叫杨生帮手大行动，帮英皇员工，希望杨生畀条热线我哋，当系员工福利，一系珠宝、一系物业，畀杨生拣，公平啲！」

☞转载授权微信：lama129

☞ 商务QQ：443317765

大天使之剑游戏入口

↓↓↓

扫码直达游戏