香香讚苗僑偉夠Man

恨演對手戲

藝人岑麗香（香香）、陳山聰及陶大宇等，於電視城錄影無綫節目《男人食堂》。

香香透露於節目分享了心目中的男神人選，她大讚其男神苗僑偉有男人味：「Artist之中我鍾意比較成熟同把聲低音，三哥咁多年都咁有男人味同靚仔！」她又言想與對方演對手戲：「有次佢話想演我Daddy，我都好樂意！」然而香香又怕圈外男友強強呷醋，故搞笑補穫向對方隔空交代：「我覺得三哥係男神，但又唔係愛上佢。我都要交代架，好大壓力架！」

問到香香有否獲男友稱讚為「女神」？她大爆與男友互相稱讚：「都有嘅。（你又讚番佢男神？）我一定要啦！大家畀啲空間我哋。」她又笑言男友都有留意自己的新聞，但二人盡量少睇以免被報道影響感情。

當中日前爆出戀情的山聰於受訪時大方接受記者的祝賀，又言想保護圈外女友Apple。他說：「多謝，好想保護身邊家人同朋友。希望各位高抬貴手，追訪番我，佢係個普通女仔。（驚嚇親女友？）驚呀，畀啲空間我哋。」他又直認與女友已見家長及同居：「見過家長，我媽咪知戀情曝光就好開心。（同居？）可以咁講。（有結婚打算？）希望共同生活。」

談到山聰今次拍拖跟上次與何超雲拍拖作比較，會否壓力較少？他直言不希望拿過去作比較。提及何猷啟出席活動時指超雲因被指翻撻而不開心，山聰就說：「我唔係當事人，唔回應，自己重新出發，積極生活。（拍拖同超雲講聲？）已經過咗去，唔回應，唔希望影響其他人。（你哋仲係朋友？）雖然係，但希望低調。」

可以点原文看更多猛料，也可以畀台叔一颗充满爱的赞~