陈法蓉（Monica）及曹敏莉到铜锣湾为有线节目担任嘉宾，宣传二人有份筹办的禁毒活动，Monica表示今个活动月幸获政府批过百万资助：“我哋进行咗两年，会有讲座、工作坊，仲拍咗个节目叫《解毒》，搵一啲过来人分享佢哋嘅心路历程，农历年间就会喺有线播出。”法蓉更透露过来人访问中的其中一人是江湖中人！已为人母的曹敏莉又表示自己有兴趣参与是有见吸毒年龄层下降：“除咗小朋友嘅健康同读书之外，吸毒都系一个好严重嘅问题。”深入了解毒品伤害之后Monica又称虽然自己在外国读书，知道有同学吸食毒品例如大麻，但经医生讲解后深明毒品对人体的伤害：“例如记忆力呀，同埋最紧要系皮肤会变差！（有见过朋友食？）我知佢哋有啲国家餐厅系有menu食大麻添，不过我自己冇试过，又唔食烟，连酒都唔饮。有一次曾经想过食烟，系失恋返大陆做嘢，有个朋友畀咗包烟我叫我顶唔住就食，点知我返到酒店房我真系谂住食先发现佢冇畀到火柴我，所以最后都冇食到，觉得无必要。之后返到香港我就畀番包烟佢。”