苏永康2014年同女友冯翠珊拉埋天窗，今年3月就生咗个好得意嘅囝囝苏展弘（Jazz），苏展弘得意可爱，真系好鬼得人欢心，当中“歌神”陈奕迅（Eason）都对佢爱不释手。

苏永康喺社交网就上载咗一段短片，见到Eason好肉紧咁抱住展弘，一时将佢抱高一时又抱低，又拧晒头咁做啲古怪表情逗展弘笑，期间Eason又将个头贴近展弘，见到展弘初时啲反应都唔系好大，但见到Eason咁落力，展弘都用双眼望实Eason报上微笑，两个真系玩得好投入。难怪苏永康都留言：“幸福的小孩苏爵士，没有这位契爷我根本识唔到你妈妈也根本没有你。爸爸每天都在感恩，Thanks bro在心中。”

而Eason太太徐濠萦都有上载短片，就见到艺人蔡一智太太向展弘喂奶嗰时，就蔡一智不停用手扫展弘只脚仔，真系好有爱。