周子扬数臭何傲儿贪钱 “代交20万税”何家否认

何傲儿早前撇低现任老板林建明，结束“爷孙恋”，转同奀星太子爷周子扬“13啜”，不过都係避唔过分手命运，同周子扬byebye。星期二有周刊指，周子扬多次偷嗒女，被何傲儿狠飞，八月分手。周子扬喺平安夜主动数臭女友屋企人贪钱，仲自称曾经帮何家解决20万税，又话何傲儿家姐何傲芝要求每月20万生活费，“如果俾唔到，就唔好同佢细妹拍拖”。何傲姊妹第二日即发联合声明，指周子扬讲嘅全部事，都係捏造同冇根据。报道亦话，曾係长沙湾铺王嘅何爸爸已破产，卖14个物业，而何妈妈卖隐形眼镜嘅小店，每月赚少少自给自足，更亲自看铺冇请人。有知情人反问，如果交20万税，即係何家要一年收入几百万，合唔合理先？何妈妈仲自爆其实未见过周子扬，对佢印象好模糊咋。其实周子扬咁多年都靠女人上新闻，今次都一样，分手如断米路。