潮玩香港

最新最爆香港娱乐

明星电影剧集资讯

    记得置顶 | 潮玩香港HK 大把电影剧集等你睇   

怀着第二胎的艺人锺嘉欣由加拿大返港，下午在中环出席化妆品活动。锺嘉欣以白色低胸裙亮相，怀孕五个月的她腹部微微隆起，但身形、手脚依然保持纤瘦，面上更没有出现浮肿，依旧十分省镜！

返港两星期工作！锺嘉欣透露今次隻身回港两星期做她喜爱的工作，但也乖乖答应丈夫好好安胎，故没有相约传媒专访，因为不希望把行程编排得密密麻麻。

钟嘉欣宣布怀孕后返港出席活动

（请连接wifi观看）

▼

暂唔想知BB性别

钟嘉欣低胸show长腿明艳照人

（请连接wifi观看）

▼

已育有女儿Kelly的锺嘉欣，被问到第二胎是儿子还是女儿？她说：「已经五个几月，其实已经照左，我冇问医生，亦都叫医生唔好讲，希望保持惊喜，仔女都冇所谓。已经谂定仔女两个名，到时顺产就知道用边个。

（Kelly知道做家姐未？）一路都有灌输紧，每日都叫佢『BB锡锡』，佢依家愈嚟愈黐身，可能知道有少少威胁，亦都买左个假嘅BB公仔畀佢，佢开始学紧喂奶，等佢慢慢有心理准备，不过Kelly都好乖。」

挂住女儿眼红红

锺嘉欣被问到今次独自回港两星期，可会不捨得女儿？她闻言立即眼泛泪光，并眼红红地说：「唔好讲呢啲，第一次分开咁耐，以为自己OK，但系离开之后老爷奶奶话个女喺屋企搵我，岩岩先同佢视像通话，自己都已经进步左。

（第二胎佗得辛唔辛苦？）好辛苦，自己未试过咁懒，老公每日返嚟都见我摊喺梳化，因为第一孕期又攰又想呕，好多谢老公嘅包容同埋爱锡，佢呢段时间做左煮饭公、家务公、凑仔公，不过我依家已经精神番。（会唔会再生？）唔会，两个已经好开心，仔女都冇所谓。

（身形冇乜转变？）冇乜，比起第一胎个肚大啲、尖啲。（暗示系仔？）唔系，上次佗Kelly嘅时候个肚都好尖，啲人话十成系仔，结果咪系女！两胎个肚都好尖，不过反应怀孕嘅反应就唔同，胃口冇乜转变，但系今次闻到意粉、肉味，隔住几米都想呕，呢一个系素菜BB。」锺嘉欣又指佗第二胎感觉好轻鬆、好开心，觉得拿捏得到。她又再次强调是最后一胎，不会再生。

预产期在秋天

另外，锺嘉欣又透露预产期会在秋天，但因怕被跟踪，故不想透露实际日子，她又指结婚到怀孕时也不断被爆料。讲到有指锺嘉欣老公爆出她怀有第二胎，锺嘉欣作出否认。

嘉欣今日原本穿高争鞋出活动，但当活动结束后，她随即换上黑色平底皮鞋，在工作人员护送下步出上车离开。腹大便便的嘉欣，离开中环后再前往观塘继续工作。逗留约两小时，嘉欣在助手陪同下乘七人车返回将军澳寓所休息。

潮玩香港coco徐

想要资源问我攞啦！

关注