无綫节目《流行经典50年》嚟到最后一集。今集请咗草蜢做嘉宾，讲到草蜢有咩经典金曲？梗系要数到《忘情森巴舞》，三子又唱又跳相当落力，有网友话睇到都忍唔住跳埋一份，现场嘅靓姐，High到一齐热舞，相当有活力！

唱完《忘情森巴舞》，草蜢再唱另一首经典歌，呢首歌就犀利喇！就系25年前嘅《永远爱着你》，呢首歌兵到不得了！嗰几句独白：“我唔知道，点解你要咁对我，我只系知道，无论你点对我，我都系咁爱你，或者你根本无爱过我，甚至恨我，但系我仍然永远爱你！”哗！唱出几多兵仔心声！相信连现今“兵歌之王”周柏豪都嗌晒投降！

另外，请嚟已经升呢人母嘅吴若希做嘉宾，佢仲献唱咗两首歌《越难越爱》同埋《眼泪的秘密》，真系听番都觉得洗脑，今次可以话系完美回归！