当大家正苦恼在拜年时，如何应对长辈追问感情事，宣萱就笑指其父母早已放弃催婚，她洒脱地说：“又唔系一定要，搵到啱嘅咪开心啰，搵唔到又觉得ok。”她又表示怀念以前的时光，对回巢拍剧并不抗拒，未来想挑战“奸到出汁”的角色，豪言观众愈憎我愈好！

每逢过年与长辈聚会必会被催结婚或生小朋友，但宣萱就笑指其父母早已放弃催她：“呢样嘢父母都放弃咗，唔催啦，因为亲戚多数喺澳洲，变咗过年见唔到面，佢哋都好少问啦，都呢个年龄，见到面最紧要开心！又唔系一定要，搵到啱嘅咪开心啰，搵唔到又觉得ok。”
不抗拒回巢拍剧

宣萱已多年没有在无綫拍剧，早前《寻秦记》在深宵时段重播，深受网民欢迎！谈到新一年会否回巢拍剧？宣萱表示不抗拒，只要有适合的角色便会演，更指自己怀念以前的时光：“我依家比较少睇剧，始终我自己会怀念以前多啲。以前拍过嘅旧同事，好似之前杏儿结婚，我哋成班好似聚会咁，勾起好多回忆。”

她又透露正拍摄邓特希监制新剧《隐世者们》，由于与以前剧集《壹号皇庭》的旧同事合作，如陶大宇、吴启华等，感觉很舒服。
最近“人质王”封号又再被炒起，宣萱笑说希望成为拍剧被绑最多的纪录保持者：“由唔知几时开始畀人察觉，基本上拍一个剧都畀人绑一次，古装同时装都绑，几得意！我又继续储多啲，希望成为拍剧畀人绑最多嘅纪录保持者。”虽然宣萱多数饰演专业角色，但原来她一直希望奸到出汁：“我两年前喺内地拍咗套坏坏哋，但未过足戏瘾，始终未去到尽！依家观众分得好清戏里戏外，佢哋愈憎我愈好。”

服装：KAREN MILLEN

发型：Bluedy Wong @ Hair Culture

场地：Mira Moon Hotel