极速修身！陈豪嘲肚腩似车胎：快嚟快去

陈豪（阿Mo）、邵美琪及张彦博等于荔枝角宣传无綫剧集《完美叛侣》，期间阿Mo大开金口现场献唱情歌，冧爆全场粉丝！其后受访时提到阿Mo早前一家五口出巡晒幸福，他笑言当时与老婆陈茵媺（Aimee）一次过带子女做身体检查，他又赞两个月大的B女反应快：“囡囡要打针，带埋囝囝去Check，顺便向医生取经教仔。（囡囡打针有冇喊？）佢OK，反应快，一咳就打咗，恢复得好。（囡囡Camilla肥嘟嘟？）医生都赞佢有份量。”

唔怕一家畀人影

谈到囡囡样貌首次曝光人前，即获网民激赞可爱，阿Mo表示不介意女儿曝光，但表明不会用仔女作宣传：“多谢，其实冇所谓，我享受一家人周围去，我好大方㗎，畀人影到都冇所谓。”谈到两位儿子与小公主Camilla相处如何？阿Mo透露大仔梓烨及细仔浩锋争住锡女儿，他指大仔更兴奋想跳上女儿的BB床：“有时要控制吓大仔，佢兴奋到想跳上床！（细仔浩锋都识自动挥手？）佢好Friendly ，锺意讲嘢。”

讲到阿Mo日前被拍到“肚凸凸”的走样照，但今日他立即重现高瘦的Model身材，阿Mo笑言其肚子，好似车胎一样：“凑B会有啲肚腩，要畀佢哋坐嘛，但我都要修身，个车胎快嚟快去。”

畀陈豪“激嬲”　邵美琪收花当无数

首次现身剧集宣传活动的Maggie开玩笑称因与陈豪“反目”而缺席宣传：“我嬲咗阿Mo，佢（剧中）唔同我say sorry，有佢冇我。我哋跟住剧情发展宣传，其实我之前忙做其他嘢而冇嚟。”她透露目前忙于拍摄内地剧集及准备于上海公演的舞台剧：“希望到时套舞台剧有机会嚟到香港做。”Maggie直言无綫亦有找她洽谈其他剧集上的合作。

她又言早前抽空出埠去旅行散心：“虽然我喺香港已经好舒服，但始终想出吓埠。（欧洲情况好乱，例如德国火车有伤人案？）我唔系去嗰边，但知道件事都会想问点解会咁样。”

可以点原文看更多猛料，也可以畀台叔一颗充满爱的赞~