唔少男士都好羨慕韋小寶有七個靚老婆，如果被21個美女圍住，唔知又係咩感受呢？呢個問題，黃百鳴應該可以答到你！4月8號生日嘅黃百鳴，日前就有一大班靚女為佢慶祝71歲大壽，呢班靚女當中，仲有唔少係黃百鳴嘅舊拍檔，有當年嘅開心少女袁潔瑩同李麗珍、又有李慧敏、湯寶如等等，係咪所有回憶都返晒嚟呢？除咗佢哋之外，仲有莊思敏、莊思明姊妹，真係人才濟濟，非常熱鬧！