麥明詩收花媽咪一見即丟

港姐冠軍麥明詩（Louisa）、亞軍龐卓欣（Ada）、友誼小姐林凱恩及藝人陳潔玲等昨日在維園出席香港花卉展覽活動。笑言以「書生Look」出場的Louisa就大騷長腿，問大狀男友林作是否時常送花？她即謂：「送過，但係我媽咪有鼻敏感，只要一發現屋企有花都會揼咗佢！」所以就試過將花轉贈男性友人，讓他可以送給其女友：「好環保呀咁樣！」而「旋轉木馬Look」的Ada就情願男友送朱古力。

陳潔玲唔過電

講到Ada在網上開頻道，其中有一片段是男友幫Ada化妝，Louisa就指片段搞笑，更笑謂自己男友對化妝的認識比自己更深。問她有否為對方形象給予意見，她就指男友曾向自己投訴出鏡前有人想幫他梳頭：「佢好唔鍾意，話鍾意自己個『旋風頭』。」又謂自己都好喜歡男友的「旋風頭」，甚有個人風格。

至於以唐朝Look出場的陳潔玲指下星期會開拍無綫新劇《來自喵喵星的你》，將與緋聞多多的溫家偉合作，卻不擔心傳緋聞：「OK嘅！（唔過電？）拍戲會投入嘅，但我係專業演員，拍完就會識出番嚟！」

與媽咪撐枱腳

另外，Louisa前日從英國返港後就轉Look，同媽咪在屋企樓下商場開餐，兩母女雞啄唔斷。問男友何不一齊撐枱腳？自言落機後非常眼瞓的她即謂：「同媽咪食吖嘛！」談到男友疑爆何猷亨與陳瀅婚事，她即笑指男友亂講嘢。

請阿媽去澳洲　蕭正楠想嗌埋翠如

【on.cc東網專訊】 藝人蕭正楠於九龍城拍攝新劇《幕後玩家》外景，劇情講述飾演麵店太子爺的他到麵店幫忙，被問現實中是否同樣是孝順仔？他笑言孝順仔並非由自己講，已搬離家中的他，媽媽亦不時到他家中探望他，而自己亦會抽時間見媽媽，去年帶埋媽媽與女友黃翠如去日本旅行，笑言「養大媽媽胃口」，他說：「佢睇完電視就話想去澳洲，話澳洲好靚！」被問如與媽媽旅行，是否叫埋翠如？他說：「睇時間啦，佢去到就好，成家人去旅行好多嘢搞，佢好幫得手，完全無嗌過交！」

至於會否在完成此劇去？Edwin謂知道翠如拍完此劇就要去北歐拍攝另一節目，笑言工作就不會去探班，而他亦要參與內地電影工作。

談到劇集《師奶Madam》為他們的「定情劇」，而《幕後玩家》會否成為「訂婚劇」？他笑笑口說：「唔識答喎，開完呢套可能有下一套劇呢，大家都鍾意工作，再諗啦！」

新闻来源/香港各大新闻网站

杂志来源/FACE&壹周刊

编辑整理/台叔

微博©香港TVB资讯台