陈浩民与蒋丽莎是圈中顶级多仔夫妇，五年诞下四个小朋友，近期幼稚园经已开学，而两人亦早已为就读K2的大女陈雅薷（Elizabeth）以及今年读K1的二仔陈璟逸(Cyrus)忙得团团转，早前两人更一起为二仔订造校服，期间又带仔仔去食雪糕，二仔璟逸眼仔碌碌，得意到晕！

坚持环保 二仔着家姐运动衫

两姊弟今年将就读同一间幼稚园，陈浩民直言弟弟返学相当愉快：“因为细佬（指二仔陈璟逸）之前成日都会去接家姐放学，咁啱细佬依家嘅班主任又系家姐上年嘅班主任，所以呢，细佬对学校同老师都唔会陌生，唔会有不安全感。校服因为男女有别，所以部份会买新，但运动衫就会着家姐嘅，因为款式一样，环保嘛。”

着重家教 拒做怪兽家长

怪兽家长近年成为热话，陈浩民夫妇不会是其中之一，因为他们相信屋企教，已经好足够，陈浩民谓：“我哋冇准备送佢哋去补习班、课外班，因为屋企已经有好好嘅学习环境，我太太会同啲小朋友围圈讲故事，又会教啲小朋友学拼音，我太太亦从小培养啲小朋友有良好嘅阅读习惯，所以，依家啲小朋友都好钟意睇书，知识吸收方面应该唔会有问题。”

要供四个小朋友：一年七万几一个

家有如此贤妻，教得小朋友如此好，陈浩民也不禁大赞老婆：“其实真系好多谢老婆，佢对小朋友劳心劳力，付出咗好多时间，而我就喺经济上支持，依家啲学费都唔平，一个六千蚊一个月，计埋就一年七万几一个，我有四个，都几㩒计，所以都有压力，但做得人爸爸，就要负责任。最紧要佢哋学到嘢，懂得礼貌、尊重别人同埋识得爱护身边嘅事物，当然读书有成绩就更好，我再辛苦都冇问题！其实我都好好彩，条命都唔错，娶到一个咁好嘅老婆，悭咗一啲补习费，哈哈！（对小朋友有乜嘢期望？）希望佢哋健康、快乐咁成长，学我爸爸教我嗰一句：‘我唔使你做社会栋梁，但千祈唔可以做社会嘅包袱。’”

商务合作微信/QQ：24502371（注明合作）

《EU超时任务》《末代御医》《殭》

《火线下的江湖大佬》《琅琊榜》《廉政行动2016》

《纯熟意外》《性在有情》《一屋老友记》《完美叛侣》

《城寨英雄》《超能老豆》《巨轮II》《为食神探》

长按识别下方二维码关注

港剧档案公众号：gangju01回复剧集名或1获取链接

新上传4T剧集回复剧集首字母获取