容祖儿（Joey）及周柏豪昨日到中环出席某品牌产品发布会。Joey宣布今年唔会出席乐坛四大颁奖礼：「我同公司都有共识，会休息一阵，我都冇歌，唔使去啦。」

对于未能再夺女歌手奖项，佢话：「点角逐呀！我都冇歌。」问到Joey觉边位歌手有能力接棒，佢话：「唔好讲接棒，就算明明系我攞，但都会觉得我阻住个地球转，我唔可能喺个宝藏度赖死唔走，今年我睇好卫兰，佢喺今年唱得最好，佢唱歌好好听。」

容祖儿仲话，下星期会同阿娇（锺欣桐）一齐拍广告，Joey表示好耐冇见阿娇，对于阿娇系咪重色轻友，Joey话：「我唔想咁讲，但系有嫌疑。」

同场嘅周柏豪，问到佢好友黄翠如被批演技差，柏豪说：「呢个年代个个都有批评，通常批评都系抨击，好少宣扬，评论可以写，但系冇必要攻击人。大家都有言论自由，我觉得佢做得好好，就算去九日冇瞓觉，每日都系瞓得一小时，都好捱得，好努力，我唔觉得佢做得好好。」

对于《使徒行者》是否开第三季，柏豪说：「要睇三哥同Benz雄，如果多啲人更加正。」 另外柏豪表示会喺内地有五、六场巡回演唱会，希望加入有关《使徒行者》嘅元素，并邀请袁伟豪及黄翠如等担任嘉宾。

☞转载授权微信：lama129

☞ 商务QQ：443317765