艺人#胡杏儿#同老公#李乘德#（Philip）为囝囝李奕霆（Brendan）举行百日宴，“胡说八道会”成员胡定欣、姚子羚、胡蓓蔚、李施嬅都有出席。

到场宾客仲有JW同男友、周志文、傅明宪、杨明、庄思明等。百日宴去到尾声，杏儿孖住定欣、子羚、李施嬅同埋胡蓓蔚一字排开畀记者影相，不过主角Brendan唔知系咪眼瞓，所以冇抱佢出嚟。

问杏儿系咪好开心？佢就话：“系！不过冇乜特别，只系普通百日宴，辛苦大家！（收好多礼物？）系呀！再次多谢大家祝福，大家都咁锡BB！”

身为好姊妹嘅定欣喺晚上10时许到场，见佢束住古装头，佢就话自己拍紧嘢蛇王过嚟，而自己就冇买礼物，只系准备咗封利是，而子羚到场时一见记者，仲搞笑话要掹好条裤先影相。