谭耀文同袁文杰早於03年曾合作亚视古装剧《花田囍事》，估唔到14年后，佢的相遇喺大银幕，一齐演出电影《辣警霸王花2不义之战》，袁文杰演澳门司警，而阿谭就系香港警司，因為一单牵涉港澳嘅案件，阿谭要跟袁文杰合作，由於两地制度唔同，处理案件时一度出现意见分歧。

剧情更交待阿谭带领何佩瑜（Jeana）、陆诗韵、梁琤、林明禎、余晓彤同邓洢玲等呢班霸王花过大海查案。阿谭同袁文杰都属高头大马型，佢的着起制服，份外神气有型，阿谭今日接受访问，佢讲番同袁文杰由当年公仔箱，o依家跳入大银幕，佢话：「再合作，大家一样，冇乜变呀，但之间多左份情怀，有话下当年咁啦。」

阿谭话童年时志愿都有想当差：「细个时，我钟意扮矇面超人，维持正义，点知大个冇去考警察，但就去左唱歌，跟住先拍戏，到拍戏先有机会演执法人员，话时话未演过警司，因為呢类角色，真系要有番咁上下年纪先扮到。」佢仲话，今次部戏，其实都好多动作场面，有开枪有飞车，佢寧愿亲身上阵，唔钟意用替身，试过拍摄时受伤，阿谭话：「试过开枪时火花入眼，又试过擦损左嘴。」唔怕破相羊？佢话：「為左有型呀，亦担心唔嚟，因為开枪时系唔可以眨眼，系几唔锡身，但系有技巧嘅，我会型得嚟又安全。