相信前几日你哋都收到一条

来自朋友转发的图片：

（突发独家）成功追回Stephy，方力申表示储钱希望2018年内娶Stephy...

呢个咁爆炸嘅新闻，有唔少人都表示相信

聪明嘅人其实已经看破真相

先唔分析两人近期有乜再次交流嘅证据先，

就眨眼睇呢条post，

呢个网站9UP01.FBS.ONE，

9UP？！？！好明显就系啦！

篇文重点就系方力申访问透露同stephy复合，

加上明年2018年会娶stephy...

又话小方储紧钱买楼...

再讲，其实呢种咁爆炸性嘅新闻，

一睇就知道佢真实性有几高，

以下呢几点就可以说服到你

▼

两人Instagram无任何相关信息

两人微博无任何相关信息

呢篇假新闻一出，苹果日报即刻嚟个大踢爆

最大嘅破绽系，方力申要储钱买楼？

佢今年6月以4,450万元买入元朗一间豪宅，

又染指艺术品名画生意，珍藏过百件，

「以价值嚟讲有几千万」，加埋豪宅，

身家成亿喇喎，仲要储钱？

另一个point系，

恶名远播嘅content farm ：greatdaily，

去年10月已经有呢

「(突发独家) IG 放相晒复合 方力申储老婆本 ，表示好快会娶 STEPHY」，内容完全一样。

方力申呢个「昨日到电台录音」，

录左成一年咁耐？

其实之前提到content farm

中文名就系内容农场，

呢个系指果d专做假新闻、假标题嘅网站

求其东执西执就整成篇新闻，

真系叻！但呢个搏读者点击嘅行为相当可耻！

自从方力申同邓丽欣宣布分手后

已甚少有交集...

之前刚好一起宣传的时候，

有幸比传媒影相两人都笑得好尴尬！

假新闻真系好鬼死多，

好似之前网上睇过果D，

睇完真系得啖笑...

洪卓立被人传佢死咗，

传传下变咗个gag…

陈展鹏与前港姐单文柔传出绯闻，

而网上更有恶搞展鹏事件，

有人于社交网造了一个页面，

写下恶毒字句

八卦新闻好多，

呢D咁嘅网站就系利用我哋嘅好奇心，

从而别有用心地去编辑虚假内容，

博取读者嘅点击，令到自己有收入。

而我哋需要做嘅就系，理性看待呢D新闻

辨清真假，切勿轻易就share出去。

-End-

文章均为原创，未经授权一律禁止转载

如未授权转载至公众号，必追究法律责任

公众号回复艺人名字可查看其他八卦

比如：刘德华 / 古天乐 / 快乐家族 / 英皇 / 何炅 / 谢娜 / Boy'z / 叶璇 / 钟丽缇 / 吴亦凡 / 方力申 / 邓丽欣 / TVB / 任达华 / 陈伟霆 / 刘诗诗 / 杨幂 / 钟嘉欣 / 陈冠希 / SNH48……陆续整理中