旧年底签约大台嘅甄咏珊，喺岩岩播完嘅《灿烂的外母》同威利做完情侣，之后又顺利执姚子羚二摊，喺新剧《果栏中的江湖大嫂》入面化烂面妆做大妈，同王卓淇做母女。

36岁嘅甄咏珊同圈外男友临门一脚挞Q结唔成婚，于是复出娱圈签约大台，由新人做起，为争取机会仲愈减愈瘦，愈嚟愈省镜。

嚟紧新剧唔只要同26岁王卓淇做母女，更加要化丑自己以核突妆出镜，仲要拍瞓街追车等危险场面，但甄咏珊一啲都唔介意，事关呢个角色本来系安排俾「最佳女配角」姚之羚做架，梗系有返咁上下发挥机会啦。

姚之羚又有一个可发挥嘅角色都唔做，原因系佢之前俾狗狗咬伤面，缝左好多针，惊化特效丑妇妆会刺激面部皮肤，影响康复，所以最后辞演，于是甄咏珊咪顺利执二摊，有望弹起升level。

（资料来源网络）