艺人陈键锋（Samuel）到将军澳为剧集《火速救兵IV》举行开镜礼，饰演坍塌搜救专队队长的他直言之前不太了解这专队：“近年就比较多人熟悉，但唔系好想见到佢哋咁多，譬如过年前大埔单意外就有佢哋协助，因为要固定现场环境同锯开啲嘢带伤者出嚟。”

问到其角色可算辛苦？他笑言不算：“始终队员同队长有啲分别嘅，队长可以指手画脚、负责谂嘢。我想借呢个机会畀大家谂吓佢哋每日工作嘅心理压力好大，所以要支持同爱锡消防员。”

他在剧中要拯救饰演杀人犯的彭怀安，医生表示只得几分钟时间：“嗰阵先知原来佢系杀小朋友嘅通辑犯，心理压力真系冇办法想像，但都要好专业同冷静咁决定点救。同埋谂起大埔单意外，佢哋入到去见到嘅景象，都要冷静工作，好敬佩佢哋。”

说到很少回港工作，Samuel笑言是一年一度庆回归，但很喜欢为电台拍剧，因为时间较短和故事很吸引，又指这系列已邀请他合作3、4年，不过迁就不到时间，今次就终于拍到：“我啱啱读咗抽血员文凭，同我教潜水都有关系，因为要急救，我以为咁啱佢哋搵我演救护员，但原来系坍塌搜救队，都几有兴趣。”

至于会否多点在港开工？他直言未定，暂时想专注学业：“同埋故事、人工，好多因素要衡量，我都锺意喺香港开工，可以近啲屋企。”

他表示打算修读欧洲学院开办的演戏或艺术网上短期课程，希望在内地边赚钱边进修。