依家大台有唔少亞視藝人過檔，新一批成員仲有蔡國威、袁文傑。咁網民至愛嘅張文慈呢? Sorry! 被foul出局囉!

其實張文慈好多年前都搭過路去大台自薦，不過全部都係食檸檬收場! N年前，有人搵過當年喺戲劇組做高層嘅梁家樹，希望可以幫張文慈去大台，點知有人嫌佢太亞視味，冇得傾。

如果講亞視味濃，首選一定係陳展鵬啦。張文慈眼見江美儀、陳煒、萬綺雯喺大台發展唔錯，撞正蔡國威、袁文傑亦都去大台敲門，張文慈再次鼓起勇氣，點知大台竟然話同類型女藝人多，再一次落閘!

係呀! 講緊係用高海寧、張秀文個啲去比較! 論身材可能不相伯仲，但係論演技， 張文慈絕對WIN人地幾條街。今年3月，張文慈現身大台，當時佢就有感而發話自己其實冇簽TVB，但遇到好多舊同事，見到佢哋有好環境，都替人哋開心。字裡行間都帶有陣陣葡萄味呀!

.