周柏豪靓仔又有型，系唔少少女兼女士们心目中嘅男神！如果喺街上遇见佢，仲邀请你上佢架型爆吉普车游车河，喺呢段只得你哋两个嘅时光，又会同佢倾咩呢？


柏豪早前特意花咗七个钟，为呢段《跟住PH去兜风》VLOG拍摄，近日天气炎热，都咪话唔辛苦！佢喺铜锣湾街头攞正牌撩女仔，不断问人想唔想成为佢背后嘅女人，咩话？咁大胆！大家唔使咁紧张，其实讲紧上佢架车，坐佢后面做乘客。唔好以为男神撩女仔易过借火，实情难度可以话level 99！柏豪开头多次被途人请食柠檬，连佢自己都估唔到：“我都以为出到嚟好受欢迎，点知好多人唔理我。”佢仲尝试去向男途人出手：“愿唔愿意做我背后嘅女人？”搞到男途人无奈回答：“我唔搞啲咁嘅嘢。”认真搞笑！



当柏豪成功邀请途人上座驾后，就叫佢哋随便喺问题清单上拣问题发问。佢不但透露咗自己惧高同最惊曱甴外，被问到想唔想生小朋友时，仲大方表示最想生女，唔少网民话做佢个女一定好幸福呀！被柏豪邀请游车河都未算惊喜，期间仲请埋特别嘉宾杨千嬅上车，除咗边游车河边唱歌之外，仲大谈为新剧《多功能老婆》拍摄点滴，当中罕有拍剧嘅千嬅坦言拍剧好辛苦：“每一个演员花好多心机拍一套剧，好辛苦㗎。我就话间唔中客串拍剧，所以演员系好有毅力，导演、拍摄团队仲辛苦，所以不妨多啲耐性去欣赏。”唔少网民好葡萄能够上柏豪车嘅途人，仲酸熘熘话：“这些机会不是我的”亦有网友叫柏豪拍多咗呢类型嘅短片，大力表示支持佢！







网民有话儿
xxt Cmxxxxxp：认真，依家街好多人个格同pakho差唔同 (又高大又梳all-back)，不过就未必咁型，所以D（啲）唔熟佢既（嘅）路人见到第一反应就系冇咩反应 lol
alxxxx xxu：制作联络是否可以联络？我想同柏豪拍一条关于一齐玩游戏的片,