艺人马浚伟到电台受访，宣传将于18日首播，由他主持的电台节目，他表示邀请了不同界别的成功女性，包括乐易玲、刘雅丽及陈法拉等，他说：“我开头都担心点访问，但正正因为唔同界别就仲好问，因为我唔知吖嘛。（碌爆人情卡？）又唔使点碌，个个都即刻应承。”他笑言事先要上网了解受访者，同事又会帮手做资料搜集：“但系有时愈熟愈难问，我嗰日访问胡定欣，我话我哋熟还熟，我冇理由唔讲感情嘢，跟住我就娘爆，我唔知佢啲情史。”他自爆不知对方曾与吴浩康及马国明拍拖：“笑到趴喺度！好尴尬！拍咗成套《深宫计》都唔知。近况我会知，但感情史我唔会多问。”

至于稍后访问锺嘉欣，马浚伟指两人认识已久，很清楚对方的成长经历：“大家有感情，更加要避重就轻。最惨系班嘉宾冇一个问我会问佢哋乜嘢，变咗好多嘢真系唔问得。如果佢唔想讲，或者会令佢唔开心，我就唔想问。（你唔问人介唔介意？）胡定欣话唔介意，可以再深入啲！”他自言主持专访节目的经验不多，以后会问清楚嘉宾有甚么不想说，或者说清楚会问甚么，但暂时都很顺利。

他透露很期待于10月访问薛芷伦：“想讲佢嘅健康问题，好佩服佢，佢癌病好番，但好多人攻击佢，我觉得好阴功。我有问佢介唔介意倾呢啲问题，佢话完全唔介意，可以同我倾得好深入。”他指两人之前只有一、两面之缘，自己在网上见到对方被攻击就留言：“我话其实佢有病，大家何必咁攻击人？佢留意到有一日喺电台讲多谢我支持。呢个系两年前嘅事，大家结下咗个缘，所以请佢直接讨论点样抗癌、康复同面对人哋嘅攻击。”

点阅读原文