艺人李彩华（Rain）以嘉宾身份出席中国全球音乐教育协会呈献《照亮你生命．世纪音乐盛宴》，她表示平时很喜欢帮助有需要的人和小朋友：“今次系帮啲想学音乐，但金钱唔系好足够嘅小朋友，有能力就尽量帮助人。”而她日前被拍到在百货公司扫平货，她表示当日与女友人买手袋：“嗰日做完嘢畀人影咗都唔知，之后同番我个friend讲，佢个头仲大过我。”

Rain直言不介意买减价货，认为很划算，问她是否精明消费者，她说：“有啲货品系，但好多时都等唔到减价就买咗番去。（有冇同人逼？）有呀，有位内地人突然叫我帮佢拎住背囊，应该系做代购，我冇理佢继续行街，后尾都见到有人影相拍片。（怕唔怕畀人话？）唔怕，我好贴地，成日去茶餐厅同街边食嘢，平嘢同贵嘢冇咩所谓，就算杯面都好好食。”