歌神张学友和爱妻罗美薇嘅大女（Zoe）张瑶华，昨日岩岩17岁生日，初熟靓样曝光后，即被捧为索爆星二代。月前，踏入青春期嘅Zoe与外籍男模Mathis揽照流出后，疑情窦初开，搞到紧张大师Daddy返港即急急拆弹，代女澄清恋情。唔想阿女早拍拖，天王父亲唯有出招，盯实爱女。
禁仔埋身
日前下午5时许，短裤仔Zoe去完街街要「交人」，就在铜锣湾时代广场等daddy接载。未几，见戴口罩嘅学友载住12岁孻女前来搵大女，被父亲mark实行踪，想有异性埋身都几难啦！
张学友多年嚟一力搵银，高度保护家人私隐，爱妻和两千金极少曝光，尤其孻女样貌几乎成谜。13年，天王老窦曾将大女瑶华送到英国寄宿学校，惜千金未能适应当地生活，未几回港改读一年学费至少十七万的哈罗国际学校。读国际学校后，长直秀髮嘅Zoe开始识打扮，爱着短裤、画眼线和化淡妆，厚唇靓样被指似人妻舒淇，其实愈大愈似阿妈罗美薇萝！
大女同妈咪罗美薇饼印样
月前，Zoe与外籍男模Mathis相拥合照互讲「i love u」放闪。其后，老窦返港急解话：「喺佢哋文化上，讲Love you等于讲Bye bye。」更谓大女无拖拍。但大女咁省镜，做老窦嘅真系好担心，所以近日歌神在港备战下周巡唱澳门站，都把握时间睇实个女。
忟憎猪等车
日前下午5时许，束上马尾嘅的股Zoe穿上短tee波鞋热裤、孭背包现身铜锣湾时代广场后门。当日学友女照旧化淡妆及眼线，仲有副眼镜架头，几有星味。青春Zoe等车其间，一直机不离手又嘴扁扁，有啲忟憎猪。未几，戴帽和口罩密冚个样嘅学友，驾驶黑色Range Rover来接大女。其12岁孻女瑶萱，早已跟车坐在后座，见到胞姊，瑶萱就坐过另一边，让姊姊上车，然后三父女一齐返家。
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
