现年五十四岁嘅吴启华，四年多前同前妻石洋子离婚，两人育有一个十岁大嘅囡囡吴熙儿。虽然，有传佢每个月畀六万蚊人仔赡养费，仲一个人养几头家，分别担起前妻、负责照顾囡囡嘅前岳父岳母，以及自己父母嘅生活费，膊头一啲都唔轻。但係佢咁多年来喺内地掘金，密密拍剧、拍电影、商演、登台，仲喺内地投资连锁甜品店，猪笼入水到足以应付巨大开支，根本唔使为钱愁！

      好似早前下午约四点几，就喺尖沙咀撞到启华，睇佢揸住架过百万嘅白色波子，就知佢身家几咁丰厚。将架车泊喺酒店后，佢就同男助手一齐行去附近嘅一个商场，途中仲同两个女粉丝会合，之后一行四人入咗一间古董表舖。虽然舖头卖嘅係二手表，但隻隻表都係名牌子，加上又係出面好难搵嘅旧款、限量款，炒价不菲。

揸住车价不菲嘅白色波子辣跑嘅启华，先将座驾交畀酒店代客泊车。

去到尖沙咀一个商场，佢会合咗两个忠心女粉丝，跟住一齐行街「血拼」。

经过一间古董表舖时，启华弯低身喺橱窗前睇表，佢似乎好锺情买手表。

      吴启华观赏表之馀，仲同店员研究啲表款，一睇就两个几钟。最终，亦见佢拎住个纸袋出嚟，相信里面放咗一隻啱啱买嘅表，睇嚟係拣啱心头好喇！

      至于，两个痴情女粉丝就十足「女兵」咁，启华去到边，佢哋跟到边，就连买表时都陪住「帮眼」。直至买完表临离开，启华都识做，同佢哋又合照、又摆pose影相，以示慰劳。难怪，启华回复单身之后，表明享受寡佬生活唔打算再结婚，皆因深受异性欢迎又迭水，揸靓车、买名表，当然係宁愿做佢嘅鑽石王老五喇！

入咗表舖两个钟嘅启华，拎住个纸袋出番嚟，相信买到佢嘅心头好。

买完表，启华都好识做，满足女粉丝嘅要求，畀佢哋「集邮」影合照。

两个忠心女粉丝一路跟到启华返埋酒店，直到佢入电梯。