艺人单文柔（Phoebe）同陈展鹏自爆出恋情之后，二人一直都保持低调。而寻日就系陈展鹏嘅41岁生日，Phoebe虽然保持一贯作风，未有公开向陈展鹏送上生日祝福，但系佢就喺IG上载咗几张整蛋糕嘅相，唔知系咪整畀陈展鹏呢？

睇番啲相，Phoebe同朋友相约一齐整蛋糕，个蛋糕唔止七彩缤纷，上面仲有彩虹同气球装饰，真系劲有心思！佢仲喺留言度引用咗一段文字，内容大概话希望将彩虹咁靓嘅颜色放喺“你”嘅心入面，等“你”可以永远记住，究竟呢个“你”又系边个呢？