【紧急通知】最近封号严重，TVB新剧请关注备用号：tvbvideo 以防万一！
或长按识别下图右侧二维码，轻松关注，有备无患！
现年38岁、华姐冠军出身嘅廖碧儿（Bernice）入行多年，曾经与刘恺威同陈豪拍拖，但都系无疾而终。Bernice近年不时话系单身，但其实已经秘挞一名神秘富豪男友，男方对佢照顾有加，水头充足嘅Bernice衣食住行全部升呢！
掷千万法国买酒庄
变富贵嘅Bernice除咗搬离同父母一齐住嘅将军澳寓所，独自秘密搬入大埔倚龙山庄千万豪宅！平日由父亲做柴可夫嘅Bernice，仲请咗一名女司机管接管送，劲豪呀！Bernice有「大水喉」射住，决心向商界发展，早前仲喺法国买下近千万港元嘅酒庄，又喺中环开酒吧，更豪掷逾百万喺香港仔工厦开设中央厨房搞自家制食物加工场，可以话系财来自有方！
司机跟出跟入
Bernice同神秘富豪男友拍拖后密冚恋情，出入都警觉性十足。1月6日38岁生日的她，生日前一日鬼祟蜜会富贵男友。当日下午两点左右，Bernice由女司机接载离开大埔豪宅，之后去尖沙咀、湾仔同友人叹茶食晚饭。为咗赶得切同男友甜蜜庆生，当晚10点左右就由司机接载喺湾仔直驶山顶，期间司机不断喺附近兜圈，确保没有人跟踪，座驾随即驶入侨福道嘅山顶豪宅，见Bernice急急脚落车步入豪宅，至凌晨仍未见佢走人。
扮靓湿平做阔太
平日唔使工作嘅日子，Bernice就过住阔太生活。为咗唔想男友呷醋，佢变咗异性绝缘体，连司机都系女仔，平日出去都只系搵女仔朋友见面。呢几日，见佢约女仔朋友叹茶行名店，又去美容院扮靓靓，又做瑜伽keep住弗爆身材，认真豪呀！
廖碧儿愈住愈豪！
搬咗去大埔倚龙山庄！
出入仲有司机接。
趁生日时，仲去山顶豪宅蜜会。
蜜运紧嘅廖碧儿，平时身边出现嘅都系女仔。
廖碧儿没仔埋身架！
平时有咩做？去叹吓啡咁啰！
仲有去扮吓靓咁啫！
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
