Boe媽與不少圈中人熟稔，包括譚玉梅、章小蕙及楊恭如都是她朋友。Boe媽透露Cindy現任職保險工作，英文名改為Michelle，她說：「佢咁樣對姑媽呀！我由哈爾濱將佢帶嚟香港，佢咁對我，你話啱唔啱呢？Cindy趕我出嚟，趕我搬出嚟，佢話新世界要收番，我就搬咗出嚟，佢話幫我交6,000蚊租，我自己交一萬，交咗差唔多一年，6,000蚊都唔幫我交，佢同我反面喇，我未同佢鬧過交、冇同佢拌嘴，都唔知發生乜嘢事，佢就趕我出嚟！」

Boe媽講，Cindy將她本來入住的單位以16,000元租出，「係彤叔送畀我住，彤叔寫Cindy個名，我都唔知，佢話物業係新世界，佢呃咗我。」Boe媽又指自己有「三高」：糖尿、膽固醇及血壓，越說越激動的她表示：「根本都唔係新世界，係佢名下，咁樣呃我。彤叔送畀我住㗎！因為我老公有鼻咽癌，我有三高，囝囝本來喺澳洲讀書都要返嚟。」
對於周刊稱Cindy不理Boe媽，因為覺得她養小白臉，Boe媽則指內地歌手羅XX有才華，才幫對方出碟及接登台工作。Boe媽斥Cindy說：「有報應！招報應的！人在做，老天在看，她招報應的！好景時，我幫佢買衫、買鞋，乜嘢都畀佢，最好嘅嘢都畀佢，佢咁樣對我。」

鄭裕彤生前曾表示多年來不敢娶妾，因太太會「閹咗佢」。不過，彤叔身邊紅顏不少，當中包括現年約31歲、已陪伴彤叔身邊8年的顧美蓮（Cindy）。有指Cindy因為乖巧、好靜少說話，甚得彤叔歡心，當時更被影到她陪彤叔去中環巡舖，惟同年彤叔中風後便未有再見她露面。