蔡卓妍（阿Sa）主演英皇新片《非分熟女》近日宣布将“冲击”荷兰亚洲电影节，靓女演技备受肯定。戏中阿Sa扮演与丈夫性生活不协调至婚姻破裂的中女，碰上“厨师”吴慷仁引发激情，从而冲破心理障碍。阿Sa对拍档吴心慷仁赞口不绝：“我遇过有啲拍档只系嚟开工同搵钱，但佢系想拍好部戏，加咗好多心机落个角色，我好尊重佢。”二人的情欲戏“发生”在厨房。问到因合作而初相识的他们有否感到尴尬？阿Sa坦言：“场戏接近中尾段先拍。成套戏拍咗1个月，我放得1日假，但都攞埋嚟帮呢场戏试位。厨房环境好逼，好臭，我要瞓喺铁柜面（演戏），工作人员帮我重要部位黐晒胶纸，硬绷绷，相信佢摸我都冇感觉，大家零尴尬，因为都只系想尽快完成拍摄，唔想再受罪！”

叫男友买飞睇

原来当初接触《非》片剧本，刚巧是阿Sa拍竣《雏妓》，她坦承一度推掉：“唔想咁近又再演类似嘅片种，加上当初导演要求有裸露镜头，中国人嘅世界，我始终冲破唔到，导演就用咗好长时间再去修改剧本。”如今“制成品”虽没有赤身露体，但意识大胆，问到她会否够胆让男友石恒聪入场观看，她大方回道：“佢睇好多戏㗎，点解唔敢？（叫佢去首映？）咁又唔得，太多记者，佢自己买飞睇啦。”提到阿Sa于访问中表现得相当从容，是否受另一半影响，她放闪谓：“系㗎，我哋来自两个好唔同嘅世界，而呢行刺激，我需要一个安稳嘅空间，佢真系畀到我。”

有望再角逐影后

谈到今次演出受关注，有可能入围角逐金像奖影后，阿Sa却谦称：“得唔得奖随缘啦，咁我梗系想喺自己成长嘅地方获得肯定嘅。（攞奖就宣布结婚？）唔会啦，讲到咁远嘅？不过我细个嘅时候，身边嘅同辈志愿系选港姐，我3岁就好有表演欲，志愿系做香港嘅好演员！”

拍完《雏妓》陷低潮

原来拍完《雏妓》后，她曾一度陷入低潮：“当时好多人都好似接受唔到我突然接演呢类角色，几难听嘅说话都听过，当时我好介意人哋嘅说话，好彩我自我复原能力唔错，加上人生累积嘅经验，我已经唔会再介意人哋嘅蜚短流长嘞！（继续拍多啲好戏？）依家声带有事，都唔知几时好番，专心拍戏都唔错。”