陈敏之、吕慧仪及江美仪等到一间小学为新剧《亲亲我好妈》拍摄亲子活动场面。

戏中扮演训导主任的敏之，直言14岁当上模特儿后，并不是一名好学生：“因为经常走堂去拍嘢，嗰时觉得毕咗业后就算。（谂过唔读？）妈咪唔畀，依家就觉得读书紧要啲，不过呢啲嘢冇得后悔，起码因为呢份职业，我畀到屋企人舒服嘅生活，或者依家都可以试吓再进修啰。”
敏之又坦言已积极造人：“因为去到呢个年纪嘞，时间过得快就嚟又生日咁，女仔怀孕系得嗰几年嘛。暂时想生一个，快啲搞掂我就可以专心做嘢，不过真系未有声气，呢啲嘢真系唔急得。”

吕慧仪话自己够浮夸

至于吕慧仪戏中与谭真一扮演母子：“我好浮夸，一个亲子活动都同个仔齐齐着晒订制嘅太空装，同埋眼中只系得自己个仔，同现实生活中嘅我一样！”她又慨叹时间过得快，家中“蟹籽”已岁半，9月开始入读幼儿班。谈到“追多个”问题，她笑谓：“依家好忙呀，唔谂住，不过今次拍剧获益良多，好多时会同其他拍档研究吓凑仔经咁。”