有心有力！回族第一美女为58岁李子雄再添丁

现年58岁的艺人李子雄于2010年娶足足细廿岁现年39岁的内地艺人嫩妻王雅琦，二人结婚7年都未有仔女，不过日前突然被宣布添丁！

早前李子雄参与ViuTV的世界杯决赛直播录像，众人都显得兴高彩烈，未知曾志伟是否兴奋过头，突然拉李子雄到镜头前面，唔觉意「爆响口」：「恭喜子雄啱啱生咗个BB，个几月大。」其他人随即起哄恭贺，李子雄连声道谢默认生B！

因为早年于经典电影《英雄本色》中饰演大哥成而开始广为人识的李子雄原本已与前妻方晓虹育有一子，现年已经23岁，相信佢自己都冇谂过会事隔多年再做老窦！

据知李子雄已默认自己添咗只「狗仔」（是年生肖），58岁高龄依然有心有力，认真可喜可贺！

《使徒2》班底再聚！柏豪翠如力撑袁伟豪

艺人袁伟豪（Ben）近日推出写真集，获唔少好友支持。呢日周柏豪就喺社交网上载同Ben、黄翠如及杨潮凯嘅合照，仲晒出Ben嘅写真集，力撑佢并留言：「我们就像相集里一样，各人驾驶着不同的车，有着不同的目的地，经历着不同的事情，各有各忙碌，但同时亦为对方打气，我们也要继续努力，加油呀朋友！」

相信大家见到呢个组合都记得系剧集《使徒行者2》嘅组合，而翠如亦有留言：「你在路途上一步一步向前走，感到很高兴，谢谢我们互相支持的日子，愿你在路途上继续享受沿途风光，加油徐天堂！」网民都话见到佢哋真系咩回忆都返晒嚟呀！

李乘德畀女围被插花心　胡杏儿开腔护老公

艺人胡杏儿同老公李乘德（Philip）结婚后相当恩爱，不过日前Philip就因为一张相，而畀网友指佢花心，更重提佢当年嘅绯闻情史。事源艺人彭慧中（Phoebe）早几日搞咗个生日派对，唔少圈中人好似庄思明、庄思敏等都有现身，而Philip当晚都有出席，佢仲同寿星女以及几位现场嘅女宾客影合照兼上载到社交网，并留言祝Phoebe生日快乐。

点知就有网民恶意留言：「甘多辣妹，花心老毛病又犯？」即刻令Philip嬲爆，仲霸气回应：「这句说话不但无知，也是贬值我的朋友，贬值女士，和贬值你自己。真的可惜」唔少网民都力撑Philip，就连老婆杏儿都有留言指自己好可惜冇出席到当晚嘅派对，以实际行动支持老公。

赖弘国同阿娇结婚！前妻忆伤痛：爱自己吧

女神钟欣潼（阿娇）同台湾「医界王阳明」赖弘国有情人终成眷属，两人将于年底摆酒。而赖弘国前妻赵筱葳（Ivy）早前曾发表仇恨论，证明自己「活得比你好」，而今日佢又再发长文讲之前嘅伤痛，不过似乎已经放低，仲话「让自己变得更好对下一个他才公平」、「爱自己吧」！

Ivy喺Instagram上载独照，佢话有人问佢：「你总是问我，怎么走过那样的伤痛？」佢话唔提起都好哋哋「不提我的心还不会揪一下」！佢觉得「成为一个活在当下的人　有些伤可以遗忘、有些痛让你成长，有些疤了无痕、有些恨随风飘。」