TVB艺人萧正楠出席剧集《十二传说》的宣传活动，他表示对剧集有好成绩感开心，由于内地同步播放，知道内地反应也不错：“估唔到内地都好锺意睇悬疑剧。（有冇带挈你有内地工作？）都有啲内地工作倾紧，嚟紧会同马国明去内地登台。

（发生咗任达华在内地遇袭后，会唔会小心啲？）我都想向佢表达关心，佢系一个好好嘅前辈，就算只系拍过一场戏，佢都记得你。我哋十几年前拍过电影《爆裂都市》，之后好耐都冇联络，有次我去食饭，佢帮我埋咗张单。

（你去内地做活动会小心啲？）着厚啲，可能着件棉衫隔一隔，有人冲上台会留意啲。（有冇试过？）强吻都有。（男定女？）系女强吻，如果系男强吻就打咗佢。不过有时啲人太开心同热情都冇法，系电光火石之间，所以我觉得任达华嘅身手好好，已经将伤害减到最低。

（太太黄翠如会唔会担心你？）冇乜特别，都唔系发生喺我身上，而且佢28号都要去澳洲做嘢，我要照顾自己，我都有帮佢手执行李，执咗啲药品。”