歌手蔚雨芯（Rainky）被指与马来西亚籍“超级富二代”郑姓男友挞着，她到九龙湾出席活动被问到是否快将做“千亿新袍”？她笑说：“冇，大家系朋友，多谢关心，一班好朋友识咗好耐。（系咪拍拖？）好朋友啰，顺其自然。（对方系咪追你？）哎呀，顺其自然啦，我唔知呀，都有好多朋友追，目前做嘢为先，2019年有好多目标，暂时将恋爱、结婚放埋一边。”

蔚雨芯透露与公司的合约到明年，问到完成合约岂不是明年可以出嫁？她笑说：“仲有好多计划，嚟紧都会去马来西亚做骚。（富贵咗？）我都好努力去做嘢，都接咗好多工作，亦帮屋企打理小生意。（咁系咪单身？）哎呀，好朋友啰，如果有日结婚会同大家讲。”