艺人苗侨伟到将军澳出席《台庆巨献：天与地II》记者会，苗侨伟首次为纪录片担任广东话旁白，他说：“第一次声演，系几好玩，六集录咗三日，难在系啲用字同发音，同平时讲嘢唔同，要好标准，唔可以有懒音，我配音时旁边都有导师指正我。（多唔多懒音？）实有，平时唔觉，有时讲对白可以自然啲。”

问到配音与拍剧相比会否较难？苗侨伟笑言：“梗系拍戏难啲，配音有稿读唔使记对白。不过，其实配音都要有戏，要代入啲动物谂紧乜，咁先吸引到观众。”

讲到接配音工作原因，苗侨伟透露是应杜之克邀请：“唔系因为《使徒行者2》，系早前《射雕英雄传》时big big channel拎黄药师嚟玩，我帮佢哋啲片配番音，杜生赞话几特别，加上我都锺意睇纪录片。”

讲到主演的热播剧《使徒行者2》在内地播出大结局，有指马国明现身为剧集留下伏线，问可有机会拍第三集？

他说：“要睇编剧接唔接到个剧情先，反正我唔会变，系都做番卓Sir。（卓Sir系你代表作？）呢几年嚟讲算系，大家重新认识我，香港内地都好多人叫我卓Sir。（问鼎视帝？）不嬲唔谂，我情感比较少起伏，不过袁伟豪、黄翠如都好好，翠如真系有机会问鼎视后。”