离巢工作多　沈卓盈有意进军影坛

艺人沈卓盈离开无线向外发展后工作不断，日前她被邀到澳门出席太阳娱乐12周年的周年晚宴活动，更与古天乐、任贤齐、吴奇隆、杨受成及黄柏高等同枱，相当荣幸。她坦言当晚最开心是可以跟偶像吴奇隆及任贤齐合照，俨如小粉丝般。她笑谓：「以前睇《夏日的么么茶》嗰阵已好锺意小齐，之后自己又有追看《步步惊心》，真系睇到喊傻咗。」

问现时离开电视台发展，当日有否向杨生及Paco自荐一下，可向电影圈发展？她谓：「我都有同佢哋倾偈，佢哋都知我已经离开TVB，当然希望将来有机会合作，尝试拍电影。」她又透露现时有不少工作倾紧，希望一切顺利。

此外，说到上星期她与龚嘉欣、谭凯琪齐齐探姊妹陈凯琳及她的B仔，沈卓盈坦言是第一个抱BB的：「系呀！见到个BB我觉得好得意，好靓仔，自己第一个争住嚟抱！」

腹大便便做主持　张美妮佗住B女搵真银

怀了六个多月身孕的艺人张美妮开心宣布佗B女，现时正在养胎中，腹大便便，体重增加了廿磅，除了经常带狗狗散步外，更担任公司的春茗活动主持，佗住B女搵真银，认真开心！

美妮接受访问时表示，这个工作上年已接下，她经常会接司仪活动，但今次觉得很攰：「个客都好细心，因为有个拍档，所以有三分之一的时间我可以抖吓，但我着住两吋高踭鞋，真系攰㗎！经过呢次，知道真系唔可以逞强。」美妮表示工作时都开心，有很多人祝福她跟BB，之后都会做无线节目嘉宾，但以轻松工作为主。

北海道旅行！容祖儿阿Sa雪地食雪糕分甘同味

近期不少艺人到了日本旅行，而天后容祖儿与蔡卓妍都到了北海道新雪谷町，仲孖住喺雪地食雪糕，真系相当有意境。容祖儿将片段放上社交网，佢仲话好似食紧鸡髀咁：「这个月行程之紧凑创出新高点，北京-东京-韩国-美国-广州，脑袋和身体极度疲惫，幸好老早已经约好Mark实死期。天皇都冇面畀，可以松个三两天，和好朋友相聚在雪地的确如梦一般。不知何解，有些人只要站在你面前，你便立刻变得开心和自在（蔡卓妍）本来还有她（锺欣潼），不要紧，我们时间多的是。虽然人在北海道，但是我还是决定先不滑雪，chill chill佢and食好嘢，甜筒都跟你共吃一个，食到成条颈巾都系。」

另外，蔡卓妍又上载与祖儿嘅锡锡相，仲留言：「我哋又一齐去旅行喇，又两杯落肚，又笑餐饱，又锡锡，又selfie，又8吓8吓，又极都唔厌，阿傻与煮鹅。争妳（你）呀阿娇下次必须join！」结果搞到阿娇都要留言话：「你唔好讲到我放飞机咁啦俾（畀）人误会我啦。」

李亚男B女期待朋友仔出世　香香胀卜卜等生

艺人李亚男同宋熙年由靓靓人妻升呢做靓妈，而岑丽香依家都大紧肚，呢三位靓女一起聚会，李亚男带埋囡囡Gabrielle，以及宋熙年带埋囝囝Damon出席，见到Damon好醒目咁望镜头，而Gabrielle则望住香香个肚，似乎好期待新朋友出世，李亚男于社交网留言：「So happy that we are all mamas! Can’t wait to meet your little bundle of joy @heungheungeliza Gabrielle is excited to meet her friend ❤（好开心见到妈妈们，好期待香香你迎接你嘅欢乐，Gabrielle都好期待见到佢个新朋友。）」

而就生得嘅香香块面肿咗唔少，但精神相当唔错，而李亚男仲用个猪仔公仔遮住香香个肚，唔畀大家睇有几大添！

老婆未决定开刀定顺产　展鹏拍住剧迎BB

无线新剧《唐人街》演员陈展鹏、唐诗咏、王君馨、伍允龙、刘颖镟、元秋等在将军澳电视城拍摄外景。剧组搭出泰国场景，相当逼真，剧情则拍摄到陈展鹏与伍允龙为人妖吧开张舞狮。

陈展鹏透露今次新剧除了比以往打得更劲，还有从未试过的搞gag戏，好像剧中要扮性感人妖上台跳舞，他笑说：「都几性感架，若隐若现，要摄嘢有啲「事业线」，拍得住啲港姐。（造型有冇畀老婆睇吓？）冇，但系佢好想嚟睇呢场戏。打戏都好多，直情要快、狠、准，剧本比平时少咗三分一，因为场场戏都写住大打，观众会好锺意呢啲效果。」

陈展鹏的太太单文柔预产期他正忙拍剧，但他指心情并不紧张，因已准备得七七八八，反而心情兴奋。问到是否已向剧组度期陪伴太太生BB？他说：「剧组就冇问题，依家未决定顺产定开刀，就算开刀都有机会早作动，所以预时间都冇用。（仔定女？）未讲得住，英文名就谂咗用Q字头，因为系我哋嘅P同R嘅中间，中文名就未谂。」

挂住观众想拍港剧！佘诗曼开金口唱歌

艺人佘诗曼到澳门出席「德晋集团春茗」活动，并会献声演唱，她谓：「拣咗首《遇见》，都好耐冇唱，有特登去练歌㗎。」至于阿佘正在内地拍剧，到四月才拍毕。她谓：「喺横店拍，天气回暖咗，依家冇咁冻都好啲，唔会咁多人病。」说到近日网民投选最想睇的女艺人拍港剧，她是其中一位？阿佘开心说：「多谢大家支持，我都想拍㗎，都挂住大家。（古装定时装？）都可以，古装啲衫就靓啲，拍时装就舒服啲。」

提到好友周家怡获提名金像奖女配角，阿佘称很替她开心，一直未有时间约到食饭为她庆祝。若对方获奖会否忍不住喊？阿佘即言：「我都应该忍唔到。」可会替对方选战衣？她称若有需要都乐意给意见。可有幸运顔色提供？她则言：「呢样又冇特别谂喎，最紧要系靓囉。（会唔会着性感啲好？）唔知佢着唔着，但都系最紧要靓囉。」