唔想老婆复出？林文龙自爆帮郭可盈推剧

郭可盈与林文龙手拖手现身杨怡与罗仲谦婚礼，讲到其有份主演的《创世纪》最近重播，可盈说：“自己不时有睇，睇番以前嘅自己好得意，好回味当时嘅情景，都拍咗一年，要拍成100集。（样冇变喎？）希望系啦！（有剧瘾？）最近睇到啲好睇嘅剧，自己锺意《城寨英雄》，追到不得了，难得有一套剧咁吸引，系逼你睇！（想做打女？）要练一练啦！”
问到可有其他电视台接触她？可盈说：“不时有收到内地剧本，要睇时间机会，囡囡一年班，好快就咁大个，时间系松啲，要睇时间。（TVB接触你？）冇喎。”林文龙表示TVB有接触他，帮太太推了剧，可盈又说：“如果有好剧本，都会把持唔住。”

林峯赞罗仲谦扮松弛熊有心思
平时和女友吴千语有影皆双的男星林峯，昨晚一支公独自出席杨怡的婚宴，离开婚宴时被问到为何不偕同女友到场，林峯指女友跟杨怡不相识，又指这个婚宴非常感动。
林峯说：“我好少见到一对新人感动到不停咁喊，真系令大家好感动。松弛熊嗰part好正，因为大家都唔知道谦谦扮松弛熊，佢真系好有心思。”被问到何时计划结婚，林峯说现在工作为上，他说：“我未到呢个时机，依家都系努力工作！”

马浚伟送金猪牌讚杨怡戴得靓

一对新人杨怡和罗仲谦举行婚宴筵开52席大宴亲朋，身为杨怡契哥的马浚伟，早前已送赠9隻金猪贺契妹新婚之，晚上亦有出席婚宴。

马仔透露婚宴气氛好，最感人是两人跟家人道谢环节，更大讚一对新人好sweet又浪漫。他说：「杨怡第一个MV系同我拍，睇住佢大，大个女啦！（所以大手笔买9隻金猪送赠？）一早应承左送畀佢，佢估唔到咁大，其实送左3大6细。（想她多生子女？）生到无所谓，啲猪佢戴得好开心，佢妈妈都好开心，戴得好高贵又靓。」他自言不饮酒，附近也不觉现场有人饮醉酒，一对新人也没有，更笑谓今晚见到好多TVB旧人似聚旧多些。

马仔亦在社交网站贴上与一对新人合照，留言：「杨羊，himhim，祝你俩一生幸福、平安、甜蜜、快乐！」

佘诗曼斋做人情贺杨怡结婚
艺人佘诗曼出席罗仲谦、杨怡的婚宴，问到送礼物还是做人情时，她谓：“做人情实际啲，我同杨怡熟啲，大家合作过《宫心计》。（心急结婚？）依家好开心。（拍拖定单身开心？）总之系生活开心。（有冇人追？）秘密！”讲到之前陈浩民与太太坐飞机食飞机餐时灼伤嘴，阿佘谓：“自己好少喺飞机上面食嘢，一上机就瞓觉，佢冇嘢嘛。（佢今日都有嚟，你一阵问佢。）佢嚟得应该冇嘢啦！”

黄日华预祝新人生儿育女：讲多啲做多啲

艺人黄日华单拖出席杨怡与罗仲谦的婚宴，问有何夫妻之道提供给一对新人？他表示最重要是互相包容、忍让，大事化小、小事化无，原来他与杨怡及罗仲谦合作不多，在离开无綫前最后一套剧曾跟杨怡合作过，当时杨怡很年轻，在剧中饰演婢女，给她的印象是一个文静的女孩，并说：“依家同佢哋做咗大埔街坊。（佢哋话想生女先？）好呀！顺其自然啦！生女好，讲多啲、做多啲，生女好啲，系爸爸小情人，妈咪又可以帮佢扮靓、化妆，之后凑成一个好字。”

吴卓羲笑姊妹团弱　唐诗咏：佢哋一味拖！

今日是罗仲谦与杨怡结婚的大喜日子！今早，一众兄弟、姊妹团包括吴卓羲、唐诗咏、马国明、王浩信、康华、单立文等都到达酒店准备，而接新娘一定有的玩新郎、兄弟环节，当中，康华遭抵死的单立文塞尿片，妆容尽毁！

事后，兄弟团的卓羲及马国明接受《东网》独家访问，他们笑言全以时间策略取胜。卓羲得戚谓：“都冇人够胆搞我哋兄弟，我哋今日阵容强盛，今日啲姊妹都较弱，同埋我哋一直拖延时间，令佢哋唔想误咗吉时，最重要系谦仔份开门利是特别大份，一嘢就搞掂咗佢哋。”而马国明亦笑言：“都冇乜嘢，个策略系我哋迟咗上去，我哋用嘅系时间策略，佢哋又赶住要嫁，哈哈哈.....”而王浩信说：“好轻松，从来未见过啲姊妹团咁孱弱。”认真得戚。
至于姊妹团的代表唐诗咏接受访问时，就坦言自己都不弱，有攞嘢夹卓羲同马国明，诗咏说：“佢哋一味系咁拖，知道我哋赶时间，所以都想快啲搞掂，同埋阿怡好锡谦仔，系咁叫我哋唔好整亲佢老公。”说到惨遭单立文塞朱古力尿片的康华好惨时，诗咏笑言：“康华系我哋专登委任佢嚟对付单立文嘅，所以佢最终遭殃，我哋就梗系闪走咗啦！”

张继聪黐实老婆　林夏薇孖老公满场飞

不少艺人双双对对出席罗仲谦千和杨怡的婚宴，当中张继聪则全程陪住大肚老婆谢安琪身旁，见他不时为太太斟茶递水。至于林夏薇亦与老公满场飞与友人倾不停，陈浩民与太太亦开怀频频吃。而婚宴内亦举行一个为一对新人将来儿女的改名比赛，最终儿子名字“罗庚”及女儿名字“罗曼蒂”胜出。此外于抢花球环节中，则由康华抢到花球，她上台后即多次揽着杨怡抱抱。

黄智雯爆罗仲谦当年借《On Call》演员过桥追杨怡

罗仲谦2011年拍摄《On Call 36小时》时邂逅杨怡，当年有份拍摄《On Call》的黄智雯今日出席活动就爆当年谦仔为追杨怡，竟借一班《On Call》演员过桥。她说︰「谦仔约齐我们一班《On Call》演员去主题公园玩，其实他是想借故亲近杨怡﹗他现在娶到杨怡，真的要好好多谢我们﹗」黄智雯直指《On Call》监製潘嘉德是他们的最大媒人，谦仔应该要惜德哥一啖。