锺嘉欣跟Ana.R两位靓妈出席奶粉品牌活动，Ana更带同女儿到场。席间，嘉欣开心透露女女Kelly上月只得8个月大，就已懂得叫爸妈。她说：「她于4月17日那天叫妈妈，4月22日就叫DaDa，过几天就懂say hi啦！真的好开心。」听到女女叫妈妈，嘉欣称当刻开心到嗌了出来，说：「真的好开心，起初我也带点犹豫，因为我给她吃一种饼叫MumMum，以为她叫MumMum，但每当我走开煮食时，她都叫我，证明是真的。」

唔介意同囡囡拍广告
问到何时回归香港演艺圈？她表示有陆续接Job，因自己很喜欢娱乐圈工作，昨日就为剧集《溏心风暴3》录了一首英文歌插曲：“两年冇录歌，有啲唔惯，要啲时间适应。”

问到迟些会否跟女儿合唱？嘉欣笑言已作了多首儿歌，将来有机会可放入广告中，例如有首歌叫《妈咪朝早起身就望住我》，她笑说：“我每朝起身见到囡囡笑咔咔或者流口水，感觉好幸福，其实首歌系好普通儿歌，你哋都识作。（会唔会畀个女客串拍广告？）睇下咩类型，我有同老公商量过，如果系好品牌，留个念都好，第日畀佢睇番，因为我拍片唔靓，搵专家影比较好。”

家姐生咗第二胎
另外，嘉欣最近将一张抱BB相放上网，表示做了Auntie，她表示是家姐的第二胎BB：“之前佢生第一胎我见证唔到BB出世，今次想留喺佢身边，开头以为都会错过，但BB一个钟就出到世，我赶得切搭飞机，好开心见证到！母子平安，系神嘅礼物，我唔想再错过我屋企嘅紧要事，之前工作忙已经错过好多。”