踏入2018年睇嚟樂壇又多咗一個新希望,點解咁講？！繼早前TVB安排黃心穎、蔡思貝、馮盈盈、邵珮詩及張寶兒五位藝人組成「TVB女團」，翻唱胡鴻鈞的《到此一遊》之後，每晚8點的處境劇《愛．回家之開心速遞》都有新opening《在心中》，而主唱嘅就係「TVB女團」企在center位置嘅黃心穎，真係有望成為2018年樂壇新力軍！因為今年大家一定會俾呢首主題曲洗腦！

黃心穎應該會成為2018年樂壇新力軍！

近年黃心穎出席活動時都會表演下唱歌，雖然都係翻唱其他歌手嘅歌，獲不少粉絲鍾意。好似去年她出席TVB節目《群星拱照 big big channel》，其中一節就玩類似《蒙面歌王》咁，黃心穎就唱出王菲的《約定》，叫觀眾估下係邊個唱歌。一開估嘅時候，當大家見到係心穎BB，即刻被網友大讚人靚歌甜！而去年11月短短節目巡禮，黃心穎亦擔任表演嘉賓，獻唱湯寶如的首本名曲《感冒》，獲不少客戶拍掌讚好！