天后王菲相隔五年,终于复出舞台!佢今年12月30日喺上海举行一场演唱会,天后「出山」当然备受瞩目,粉丝都希望成功扑飞,但最令大家期待嘅,系想睇到佢同阿女窦靖童(童童)同台合唱!王菲同第一任丈夫窦唯所生嘅童童遗传咗佢哋嘅音乐天分,近年童童仲杀入乐坛,佢嘅音乐作品同唱功大受好评,唔少人都希望睇到佢哋两母女合唱,但据知王菲冇呢个打算,反而考虑喺个唱上唱童童嘅作品!  除咗同台演出外,据知多个品牌同广告商亦打王菲同童童「母女档」嘅主意,其中Apple手机就想邀请佢哋拍手机广告,虽然只系简单几句对白,好似「妈,我回来了」,酬劳已经高达5,000万人民币(约5,800万港元)!但王菲不为所动,一口拒绝!虽然王菲抗拒同童童合体,但两母女一直关系好好,王菲私底下都非常支持阿女, 只系唔希望太过高调将两人关系作商业用途。此外,王菲2009年为内地霸王洗发精拍广告时,有传广告商当时以2,000万人民币(约2,300万港元)成功利诱她出,呢次要游说佢同阿女合体拍广告,5,800万港元依然打动唔到佢呀! 

最贵门票要$8,100 王菲将喺年底举行上海个唱嘅消息获得证实以嚟,谣言一直满天飞,有传阿里巴巴豪掷1.6亿人民币(约1.9亿港元)投得演唱会主办权,亦有指个唱最贵嘅门票要过万元人民币。王菲本周五(9日)将喺北京举行记者会,到时就会公布独家直播网络商,据知最贵嘅门票约7,000人民币(约8,100港元),最平就大约1,000人民币(约1,100港元)。  由于王菲呢次只公开演出一场,一众菲迷都要想尽办法扑飞,但有指场内只有八千座位,好多人都未必能成功买飞。为咗畀更多菲迷可以看到佢嘅演出,据悉主办单位会安排观众入场看预演彩排,而为免有任何王菲演出嘅影片快过直播网络商流出,到时将会收起所有入场观众嘅手机同计算机等电子产品,以策万全!。

订票热线：  17722344244 

门店地址：东莞市石龙镇现代广场1楼（石龙宾馆旁）