去年7月开拍的《警犬巴打》年初二开播，随即引起热烈讨论，剧情轻松大获好评。有份担正的黄浩然（Raymond）直言此剧是重出江湖的作品：“旧年7月开工，当时自己已经病好，但未试过挨夜。未试过一日拍十几场戏，未试过受番压，未试过咁赶，唔知身体真正状态系点。好多谢监制同珍姐（曾励珍）喺我拍呢套剧期间好关注我健康，珍姐成日同监制沟通我身体状况，会唔会应付唔到。”

坚持食住家饭

Raymond养病期间开始注意饮食，少饮咖啡兼戒烟，身体比以前更好。他谓：“开咗一星期工觉得自己OK冇问题，同埋状态仲比以前好，因为喺成年休息期入面注重咗饮食，返一日工要三餐都喺出面食，我会有一餐食太太预备畀我嘅饭盒，坚持有一餐系食屋企嘢，自己亦由一日饮几杯咖啡减少到一杯、最多两杯，亦都戒咗烟，所以身体其实比以前更加好。”