阿佘之所以咁耐無拍古裝，其中一個原因係佢以前拍古裝劇時因頭飾太重而整親條頸，今次肯拍《延禧攻略》，除咗因為角色有挑戰性之外，另一原因就係今次嘅頭飾十分簡約，令佢條頸無咁大負擔。

佘詩曼相隔8年再次演古裝劇《延禧攻略》，劇集播出之後，唔少劇迷都大讚阿佘古裝造型十分唯美。不過，講到靚，《延禧攻略》又點會係唯一呢？阿佘入行至今作品無數，無論係古裝定時裝都有唔少令下留下深刻印象的造型。

雪山飛狐飾苗若蘭

《雪山飛狐》乃阿佘卸任港姐後首部作品，以女一出演苗若蘭一角，出塵脫俗、溫柔婉若、明辨是非兼願為所愛犧牲一切，當年劇集平均收視有29點，阿佘功不可抹。

倚天屠龍記飾周芷若

《倚天屠龍記》被翻拍過無數次，周芷若一角先有趙雅芝、黎姿、周海媚、喻可欣版本，佘詩曼版本嘅周芷若雖然尚欠火候，但已經叫不過不失。

酒是故鄉醇飾黎順風

阿佘於《酒是故鄉醇》中飾演不畏強權的女性，其民初造型又有另一番味道。黎順風一角更為佢帶來「我最喜愛的電視角色」。

金枝慾孽飾董佳爾淳

要數經典的話，一定唔少得《金枝慾孽》，當年齊集張可頤、黎姿、鄧萃雯、林保怡及陳豪呢個cast真係可一不再可，阿佘於劇中由秀女升做淳貴人，最後與陳豪飾演的孔武逃離紫禁城隱居。

鳳凰四重奏飾 魏瑜鳳、汪子君、白慧珍、戴思嘉

《鳳凰四重奏》以四個時代做背景（由60年代到千禧年），阿佘一人分飾四角大獲好評，最後更憑此劇成為香港首位「雙料」視后。

鐵咀銀牙飾納蘭青青

阿佘於《鐵咀銀牙》中，女扮男裝飾演一名鐵咀狀師，同陳小春飾演嘅陳夢吉做鬥氣冤家，其實阿佘都曾在《覆雨翻雲》中女扮男裝，嬌俏得嚟又幾靚仔。

宮心計飾劉三好

「存好心、說好話、做好事」呢句說話相信大家都十分有印象，阿佘於《宮心計》中飾演的身性善良的劉三好，不時將呢三句說話掛嘴邊，由於劇集以唐朝為背景，服飾亦較為多變化，阿佘於劇中由學婢變成掌珍最後更成為德妃，每件服飾設計都突顯她不同時期的身份。

本文来源网络，版权归原作者所有，如有侵权请联系删除

今天小编给大家推荐一些优质公众号，女性气质养成，美食塑身，生活收纳一网打尽，千万不要错过哟